Mpharihele Phaama Irevista Sakhalai

Irevista sakhalai hasinamukhaviherya muchu wakhala wi iho irimukuhiwa nari waahuliwa, hiyaano nnaphwanela weererya okawa iho. Erevista pure poti otannya nchuno na muchu mu eparipari nave ompurula wi apacerye wiichana nsina na Yehova. (Arom. 10:13, 14) Sinnacharela sooleeliherya sa okawa irevista sakhalai mmukhalelo waphaama.

• Vaavaa munalaleeryaanyu mu ikulucu ihinalampwawo wiiliwiili, akhweya nyuwaano poti ohiya emoha va echoko ohikhaliwevo.

• Vaavaa munavahaanyu onamoona wa vanlakani mmapuro a owehererya, ntoko mapuro a akarera nari a ikaaro, mwaakohe achu wakhala wi awo yaahaala osiveliwa waalakhanya, nwoonihe awo miyaha soohiyana sa irevista sakhalai, nave mwaahiye wi ethanle.

• Vaavaa muneecelelaanyu mapuro oocapa ikuwo, mapuro a okumi, nari mapuro makina ari a ikulucu sa muloko anyu, muhiye irevista sakhalai mmapuro ooweherya. Eyo ti yaphaama woopaceryani oveka weemereryiwa ni muchu onahoolela wakhala wi owo ori vaava. Wakhala wi muhoona wi nlelo irevista himanlevo, muhihiye ikina.

• Vaavaa muniirehereryaanyu wi mpake ikwaha sa okookela, muthokororye mukhalelo wa khata muchu yoowo munachunaanyu omuxekurya. Owo ookhalano emusi? Onnasiveliwa opaka mukwaha? Onnasiveliwa olima? Mvarerye miyaha soothene sa irevista wi moone waakhanle wi wookhalavo mwaha waahaala omusivela waalakhanya, nave mmoonihe yeeyo vaavaa munakookelaanyuwo.

• Vaavaa munamphwanyaanyu wanawiili muchu oonihenrye nchuno mmanle omuxekurya ikwaha sincipale, mmoonihe irevista sakhalai seiho oyeleenleiye.