Soolokoha

◼ Soolaleeryiwa sa ovaha Setempuru ni Otupuru: Irevista Mulipeleli ni Despertai!. Novempuru ni Tesempuru: Piipiliya Onahusiha Eheeni Chiryene? naari itrataato sahu ivonyiwe hiihaanoru naari etrataato Eparipari. Yaneru ni Fevereru a 2015: Michaka Yaphaama Yoorweela wa Muluku! naari emoha ya iproxura inacharela sa ipaaxina 32: Mmuwiriyane Muluku, Mmuwiriyane Muluku nave Mukhale Okhala Wookhala, Nthamwene a Muluku!

◼ Mwaha wavameekhaaya wa vanlakani wa elukuluku ya Yawuupuxerya ya 2015 onahaala operekhiwa esumana ya 6 a Apirili. Muru wa mwaha owo onahaala olokohiwa muhoolo. Miloko seiyo inahaala okhalano oxekurya wa ooweherya a ekulucu naari Muthukumano wa Ekulucu omala wa esumana yeeyo, sinahaala okhalano mwaha owo esumana enacharela. Hiwaavo muloko onaphwanela okhalano mwaha wavameekhaaya ehaakumve ovira esumana ya 6 a Apirili.

◼ Ovinyerya mu Setempro, ooweherya a ekulucu onahaala olocaka mwaha orino muru “Miruku sa Muluku Inanikhaviherya Hai.”