Kaasiveliwa ni Serra Leoa

Cindy Mcintire Oyariwa 1960 opatisiwa 1974 mukwasu wa okumi Misiyonaariyo a mwamuthiyana opacerya 1992.

Oorumeela o Kine ni Senekal nave hiihaano onarumeela o Serra Leoa.

ISUMANA VAKHAANI kimanle ophiya o Serra Leoa, kaasiveliwa ni epooma. Kaanakhala ootikiniheya owoona achu yiireyaka ichu soohokola vamuru moohakalala. Miceche saanasareya achu. Anamwane yaanathata ni yaaniina mphironi, esivihaka ni manaani ni matata. Miyaano kaarukureryiwa ni mathepa, ooreera ni macipo.

Olaleerya yaari echu yoohakalalihaxa. Achu a Serra Leoa annamucicimiha Piipiliya nave yaanawiriyana yeeyo kaalocaaka. Awo yaanahakalala owaakhela aleco ookhopela. Mu olaleerya, ancipale yaanakiwopa wi kivolowe. Vaavaa kakhumaaka va empa, akina yaanakihoola ophiyerya okihiya mphironi. Mikhalelo seiyo soolipiha saakikhaviherya ovukula makacamiho makhaani, ntoko orama wa maahi ni ohikhalawo maliixo.

Nthowa na okhala muciye, achu yaanakikoha waakhala wi ikwaha ikina kaaniisoona okhala mukhataaka. Mweeparipari, kookhalano ichu sincipale saweera, hiiha nkinakhalano elukuluku ya wiisoona okhala meekhaaka. Okumi aka wenno ti woohakalaliha.

[Epaaxina Ohirivo Echu 5, 6]