MUHAKHU WA MASU A MULUKU | YOBI 1-5

Yuupu Aakhala Oororomeleya mu Yaweeha

Yuupu aari a elapo ya Usi mweelukuluku yeeyo Aisarayeli yaaraaya akapuro o Yiikuputu. Yuupu haari a nloko na Isarayeli, naamwi hiiha aari mulapeli oororomeleya a Yehova. Aakhalano emusi etokweene, muhakhu ni ovuwa mmuceche awe. Yene aari namiruku oocicimiheya ni muthoriha eekhaikhai. Aari a mahala wa achu oohaawa. Yuupu aari mulopwana a nroromelo.

Yuupu aahooniherya wi Yehova aari muchu oochuneyaxa mu okumi awe

1:8-11, 22; 2:2-5

• Satana aahoona ororomeleya wa Yuupu. Owo havaannye wi Yuupu aanamwiiwelela Yehova; moohiyana owo aakanhe mathowa yaamweeriha Yuupu omurumeela Yehova

• Satana aaloca wi Yuupu aanamurumeela Yehova nthowa na ichu aareiyeno

• Wi aakhule waakaaha wa Satana, Yehova aaheemererya wi Satana amweehe Yuupu. Satana aamuruuhela Yuupu soohooxa mu okumi awe

• Vaavaa Yuupu aakhapelenleiye ororomeleya wawe, Satana aahaakaaha ororomeleya wa achu oothene

• Yuupu haachenke naari omootherya Muluku opaka soonanara