OKUMI WEEKIRISTU

Ovinya Mookhwani ti Wooweryeya Nthowa na Woopola

Mukonelo onnanivaha ekari yaphaama ya wuupuwelela mareeliho anarweela mu yawoopola ntoko ovinya mookhwani. Yehova haachunne wi achu ekhweeke. Ti nthowa nene echu yoothananihaxa ori omuyeleela oosiveliwa mookhwani. (1Kor 15:26) Yesu aasooseya mmurimani va owoona oohuserya awe yinlaka nthowa na okhwa wa Laasaro. (Yoh 11:33-35) Woona wi Yesu ahooniherya phaama makhalelo a Atiithi awe, nroromele wi Yehova tho onnasooseya aanoonaka ninlaka nthowa na okhwa wa oosiveliwa ahu. (Yoh 14:7) Yehova oolakelela elukuluku onahaaleiye waaviiha akapuro awe, nave hiyaano nnaphwanela tho oweherya.​—Yobi 14:14, 15.

Woona wi Yehova Muluku a murecele, nnaphwanela ororomela wi ovinya mookhwani onahaala weereya mmukhalelo woophwanelela. (1Kor 14:33, 40) Ohiyana wemwaavitha, nnahaala owaakhelaka oosiveliwa ahu akhwile. Nyuwaano munnuupuwelela ovinya mookhwani, xaxaxa elukuluku ya makhwelo? (2Kor 4:17, 18) Munnamuthamalela Yehova nthowa na ovaha woopola ni onileela Mpiipiliyani wi alipa ookhwa anahaala okhala wanaawiili?​—Kol 3:15.

Nthamwene taani naari muhima anyu munachunaanyu omoona wanaawiili?

Achu taani analociwa Mpiipiliyani munachunaanyu waasuwela ni olocano?