MUHAKHU WA MASU A MULUKU | SALUMU 1-10

Wi Nikhaleno Murecele ni Yehova Nimucicimiheke Mwanawe, Yesu

Okhoociwa wa Yehova vamoha ni Yesu waaloheryiwa

2:1-3

• Yaaloheryiwa wi maloko hiyaahaala weemererya olamulelo wa Yesu, nyenya yaahaala wiikuxererya ni olamulelo aya.

• Yooloherya ela yaakhwanenle vaavaa Yesu aareiye veelaponi yavathi nave tho yookhalano waakhwanela otokweene mmahiku ahu yaala.

• Namarepa a Salumu ooloca wi miyaha sa maloko ichu satheru, ooniheryaka wi soolakelela saya ti satheru nave hirwa sikhwaanela.

Pahiru yaale anamucicimiha Mwene othanliwe ni Yehova tanahaala waakhela ekumi yoohimala

2:8-12

• Oothene yaale anamukhooca Mesiya anahaala otoloxiwa.

• Moorweela wa omucicimiha Mwaana, Yesu, nnanwerya okhalano murecele ni ohakalala.