OKUMI WEEKRISTU

Wakhala wi Mwaana Tonaakhenle

Wakhala wi mwaana tonaakhenle, nnaphwanela omveka wi nloce ni asitiithi awe. Ela ennooniherya wi ninnaacicimiha yaale anamphuwa. (Masi 6:20) Wakhala wi mwaana ooniwopa wi nivolowe mpa, hannaphwanela weemererya. Wakhala wi hinaaphwanye asitiithi awe, ti yaphaama okookelawo elukuluku ekina.

Wakhala wi mwaana owo tawunnuwelavo, akhweya onnaacamela iyaakha sa omiravo, ti woochuneya tho oloca ni asitiithi awe. Wakhala wi haavo, nnaphwanela omukoha waakhanle wi asitiithi awe annamweemererya mwanaya omwaalakhanya liivuru onamuchuneiye. Wakhala wi anneemererya, nnanwerya omvaha yoolaleeryiwa emoha naari omuleela mukhalelo wa ompharihela jw.org.

Vaavaa nnayaahu omuxekurya mwaana yoole oonihenrye nchuno, nnaphwanela omveka wi nloce ni asitiithi awe. Ela enahaala oneeriha oloca yoolakelela ahu ya ophiya vaate vale ni owooniha iparipari ni miruku inaphwanyeya Mpiipiliya vooloca sa ichoko. (Sal 119:86, 138) Ncicimiho ni waapwacha wahu asitiithi awe onahaala ovaha onamoona navetho onivaha ekari ya oloca michaka yaphaama ni akina a veemusini.​—1Ped 2:12.