OKUMI WEEKIRISTU

Musepe Miraakho Iha Vaavaa Muneecihaanyu Yoohuserya ya Piipiliya

Waaceerya Sooloca: Muhuupuwele wi nyuwaano munaphwanela othariha ichu soothene. Yesu aanapharihela makoho wi aakhaviherye achu wuupuwelela ni okhalano makuchuwelo oophwanelela. (Mat 17:24-27) Makoho annamukhaviherya oohuserya a Piipiliya okhala ootaphuwa, nave eyo enamookhaviheryaani osuwela waakhanle wi oohuserya anyu onniiwexexa ni weemererya. (be-T 253 ¶3-4) Vaavaa munapakaanyu nikoho mukhaleke oopixa murima ni oweherya naakhulo. Wakhala wi oohuserya ovanhe naakhulo nihiri nenlo, ohiya omuleela naakhulo nene, mmukhaviherye waakhula mukhateiye moorweela wa opaka makoho awaaceererya. (be-T 238 ¶1-2) Muloce masu vakhaani wi mmukhaviherye oohuserya ohuseryavo echu esyaani.​—be-T 230 ¶4.

Oloca Ichu Soovila Wiiwexexa: Musepe oloca soothene musuwenlaanyu vooloca sa mwaha yoowo. (Yoh 16:12) Mpwacheke nihusiheryo nri noochuneyaxa va eparakrafo. (be-T 226 ¶4-5) Ichu ikhaani, naamwi iri soophwanelela, inanwerya waakanyerya nihusiheryo noochuneya. (be-T 235 ¶3) Wakhala wi oohuserya ohiiwexexa nihusiheryo noochuneyaxa, muye va eparakrafo enacharela.

Olakelela Omaliha Mwaha Woothene: Yoolakelela ahu ori otannya murima, ohiya omaliha mwaha woothene. (Luka 24:32) Mpharihele ikuru sa Masu a Muluku moorweela wa othokororya yoorepa enaakhula mwaha munathokororyaanyu. (2Kor 10:4; Ahe 4:12; be-T 144 ¶1-3) Mphariheleke maphwanaphwaniho ookhweya. (be-T 245 ¶2-4) Muthokororye matorokelo ni sookhovelela sa oohuserya, nave muthanle mwaha onahaala omukhaviherya. “Mumpakele makoho ntoko ala: Munoona hai vooloca sa yeela munahuseryaanyu vaava?” “Ela enanihusiha eheeni vooloca sa Yehova?” “Mphurelo taani munahaalaanyu okhalano wakhala wi moopharihela miruku seiha?”​—be-T 238 ¶3-5; 259 ¶2.

[Iruku va epaaxina 8]

MUHEERENO

MWEERENO