Wunnuwiha Mavyakelo Ahu Mmuteko wa Olaleerya Opharihela Phaama Makoho

NTAKHARA HEENI TI YOOCHUNEYA: Woona wi “mupuwelo a atxhu ari ntoko mahi awisèla,” mwawiihiiha makoho ari ntoko kanika a orikano maahi awo. (Masi 20:5) Makoho anneeriha wi alipa oowiriyana ekhaleke ootaphuwa opaka makupa mu ochekula. Maakhulo a makoho oothanleliwa phaama ikwaha sincipale annakumiherya mphurelo saphaama. Yesu aanapharihela phaama makoho. Nni nimutakiherye hai?

MUKHALELO WA WEERANO YEELA:

• Makoho a ochuna osuwela moonelo. Yesu aanaapakela makoho oohuserya awe wi asuwele moonelo aya. (Mat 16:13-16; be-T 238 ¶3-5) Makoho taani a ochuna osuwela moonelo wa akina munaphwanelaanyu opaka?

• Mpakeke makoho ooluluwanya. Wi ookolole muupuwelo a Petro, Yesu aapaka nikoho vamoha ni naakhulo naya nenlo naamweerinhe Petro osuwela echu yaari yoophwanelela weera. (Mat 17:24-26) Makoho taani ooluluwanya munaphwanelaanyu opaka wi mmukhaviherye muchu osuwela echu yoophwanelela weera?

• Mmuthamaleleke. Mulipa oorepa amanle waakhula, Yesu aamuthamalela nthowa nawi owo “àhakhula ni miruku.” (Mar 12:34) Nyuwaano muni mmuthamalele hai muchu yoowo ovanhe naakhulo noophwanelela?

MOONE MAKUPA OOPACERYA A EXILEMA MPHARE MUTEKO YOOWO YESU AAPHAREIYE​—OHUSIHA, NAVE VOOCHARELA MWAAKHULE MAKOHO ALA:

• Ntakhara heeni meerelo ala tahi aphaama, naamwi alonce echu yeeparipari?

• Ntakhara heeni nnaphwanelaahu weera echu ekina ohiya pahiru othariha?

MOONE MAKUPA ANAAWIILI A EXILEMA MPHARE MUTEKO YOOWO YESU AAPHAREIYE​—OHUSIHA, NAVE VOOCHARELA MWAAKHULE MAKOHO ALA:

• Ti mwawiihai munna ola opharihenleiye phaama makoho?

• Meerelo taani makina a ohusiha wawe hiyaano nnaphwanelaahu otakiherya?