MUHAKHU WA MASU A MULUKU | LUKA 8-9
Tiheeni Enachuneya wi Nikhale Oomuchara a Yesu?
Wi muchu awerye olima apharihelaka imope, mulipa oopharela ehipa haaphwanela wiisaakanyerya ni ichu siri oculi wawe. Moolikana, Akristu hanaphwanela weemererya wi ichu ahin’yaaya oculi mu elapo yeela iwaakanyerye.—Fil 3:13.
Vaavaa nnakumanaahu ni makacamiho, ti wookhweya wuupuwela wi ilukuluku sakhalai saari saphaama akhweya nihaakumve ohuserya eparipari. Weerano hiiha, ori ntoko wuupuwela wi yaari oohakalalaxa ni okukuca makacamiho a khalai. Ti yeeyo Aisarayeli yeenraaya emanle woopoliwa o Yikuputu. (Nam 11:5, 6) Wakhala wi ninnakhalano mawuupuwelo ntoko yaawo, nnahaala ochunaka okookela saweera sahu sakhalai. Echu yoophwanelela, ori osuwela mareeliho ahiihaano ni otikitherya muupuwelo ahu mu ohakalala wa omwaahiyu vathi va olamulelo wa Muluku!—2Kor 4:16-18.