MUHAKHU WA MASU A MULUKU | YOHANI 5-6
Mmuchare Yesu ni Yoolakelela Yaphaama
Vaavaa Yesu aalonceiye niphwanaphwaniho nenlo ohuserya yoonnaaya okhala noovila, akina yaakwaculeya nave yaahiya omuchara. Naavinre pahi nihiku nimoha ovinyerya vaavaa Yesu aavakulenleiye mootikhiniha, ooniheryaka wi ikuru sawe sarweela wa Muluku. Vano ntakhara heeni awo yaakwaculenyaaya? Mwawooneya, yoolakelela aya ya omuchara Yesu hiyaari yaphaama, yaachuna olya. Awo yaamuchara Yesu nthowa na ichu soomwiilini yaakhenlaaya.
Ti woochuneya mmoha ti mmoha a hiyo wiikoha: ‘Ntakhara heeni kinamucharaaka Yesu? Nthowa na mareeliho kinaakhelaaka hiihaano ni a omwaahiyu? Naari nthowa nawi kinnamusivela Yehova nave kinachuna omuhakalaliha yoowo?’
Ntakhara heeni akhweya nnahaalaahu okwaculeya wakhala wi woopaceryani nnamurumeela Yehova ni mathowa anacharela?
Ninnapuha okhala vamoha ni achu a Muluku.
Ninnachuna okhala Mparataiso.