Paulo Aaveka Okerihiwa wa Kaisara Nave Aalaleerya wa Mwene Herote Akripa

25:11; 26:1-3, 28

Naamwi nihiphwanelaka okhala awuukhuwa ni yeeyo nnayaahu oloca wakhala wi nookerihiwa wa “alipa oolamulela ni wa mamwene,” nnaphwanela okhala ‘awiireherya wi niwaakhule’ oothene yaawo ananikoha mathowa a soororomela sahu. (Mat 10:18-20; 1Ped 3:15) Wakhala wi amwiicani anneererya ‘otatusha malamulo,’ nni ntakiherye hai yaweereya ya Paulo?—Sal 94:20.

• Hiyaano ninnapharihela malamulo akhanlevo wi naakihe michaka yaphaama.—Saw 25:11.

• Hiyaano ninnooniherya ncicimiho vaavaa nnalocaahu ni alamuleli.—Saw 26:2, 3.

• Wakhala wooweryeya, hiyaano ninnathariha mukhalelo michaka yaphaama sinanikhaviheryaaya vamoha ni akina.—Saw 26:11-20.