“Oothene Eelapo ya Vathi, Yaarino Elocelo Emoha”

11:1-4, 6-9

O Papeli, Yehova ahaamwaramwaxa achu oohiiwelela moorweela wa waakanyerya elocelo. Olelo, owo onnathukumanya muloko mutokotoko wa achu a maloko ni ilocelo soothene aavahaka “elocelo yaweela” wi awo “yiichaneke nsina na Yehova, wi emulapeleke ni murima mmoha.” (Sof 3:9, Tradução do Novo Mundo; Wup 7:9) “Elocelo yaweela,” iparipari vooloca sa Yehova ni yoolakelela awe ntoko Piipiliya onaloceiye.

Ohuserya elocelo evyaani onnavolowela ohiya pahiru ohela mmuruni masu mavyaani. Enavolowela ohuserya mukhalo muvyaani wa wuupulela ni wa weerano ichu. Moolikana, nahuserya elocelo yaweela ya eparipari, mukhalelo ahu wa wuupuwela onnatorokeya. (Aro 12:2) Mukhalelo ola honaphwanela ohiyereriwa nthowa nawi weerano hiiha onnakhaviherya wiiwanana variyari va achu a Muluku.—1Kor 1:10.