28 A APIRILI–4 A MAIYU

MUHAKHU WA MASU A MULUKU

1. Muhiloce Yeeyo!

(10 min.)

Muhiloce echu yeeyo enahaala omuhooxa “mwaacamani” anyu (Mas 11:9; Sentinela, 15/5/2002, epaax. 26, epara. 4)

Muhiloce echu yeeyo enaruuhela okawanyeya (Mas 11:11; Sentinela, 15/5/2002, epaax. 27, ipara. 2-3)

Muhimwaramwaxe mwaha yoowo ori woovitheya (Mas 11:12, 13; Sentinela, 15/5/2002, epaax. 27, epara. 5)

Anna eeli evaanelaka mu Empa ya Omwene. Mmoha a anna yaala onnamuloca moonanara munna mukina yoowo oneeca ayaaka mmakupaaya.

WI MUUPUWELE: Ti mwawiihai masu a Yesu anaphwanyeya mu Luka 6:45 enanikhaviheryaaya osepa masu oohiphwanelela?

2. Muhakhu Woomunepani

(10 min.)

Mas 11:17—Ti mwawiihai wooniherya oreera murima onaniphurihaaya? (Despertai, 1/2020, epaax. 11, ekaaxa)

Naakhulo nanyu
Muhakhu taani woomunepani wa waalakhanyiwa wa Piipiliya wa esumana yeela munahaalaanyu osiveliwa okawana ni hiyaano?

Naakhulo nanyu

3. Waalakhanyiwa wa Piipiliya

(4 min.) Mas 11:1-20 (th yoohuserya 5)

MWIIVYAKIHE MMUTEKO WOOLALEERYA

4. Opaceryiha Ovaanela

(4 min.) OLALEERYA WOOHILAKELELA. Mwaavye ekari ya omuleela muchu vooloca sa echu yeeyo muhusenryaanyu mmuthukumano ovirale hiihaanoru. (Waasivela Achu, yoohuserya 2, epontu 4)

5. Ovaanela Woocharela

(4 min.) OLALEERYA WOOHILAKELELA. Moonihe exilema yeeyo enaphwanyeya mu Ikaruma Sahu Soohusihano. (Waasivela Achu, yoohuserya 8, epontu 3)

6. Waapaka Oohuserya

(4 min.) OLALEERYA WA VANLAKANI. Mvahe nave mooniherye yoohuserya ya Piipiliya. (Waasivela Achu, yoohuserya 10, epontu 3)

OKUMI WEEKRISTU

7. Muheemererye wi Nlumi Nanyu Nikhale Namatoloxa Murecele

(15 min.) Othokororya ni alipa oowiriyana.

Wa nthowa na okhala achu oohiphaameya, nnamuhesaka mmalocelo ahu. (Tiy 3:8) Mwawiihiiha, wakhala wi ninniivareryela wa miraakho sawunlaana, eyo enahaala onikhaviherya osepa oloca ichu seiyo ohoolo waya nnahaalaahu okhalano ekeerelani. Iha mikhalelo mikina inahaala opahula murecele mmulokoni:

Wiithamalela woohiphwanelela. Wakhala wi muchu onniithamalela, eyo enanweeriha akina omukhalela nrima ni oweeriha opaka ichu sincipale wi elikaneke ni yoowo.—Mas 27:2
Masu oohiroromeleya. Masu yaala oohiroromeleya tahi pahiru yaawo analociwa mwawaapa, nyenya enaphitaanyerya masu yaawo analociwa moolakelela nyenya eniiha ehiri eeparipari. Naamwi ori ohiroromeleya wavakhaani onanwerya omaliha ororomeleya wahu ni onanariha meecelo ahu.—Ekl 10:1
Waapa woopahula. Masu yaala anaahiwa oloca ichu soohiphwanelela vooloca sa achu ni okumi aya ekhoromanyaka eparipari ni wuupulula miyaha saya soovitheya. (1Tim 5:13) Eyo enanwerya okumiherya waakhulana ni okawanyeya
Masu oowali. Masu yaala oowali eri okumiha masu oohivareryeleya a mmuupuwelo ahu yaawo anavaanyihana ni muchu yoowo oninyeenyeihale. (Aef 4:26) Enanwerya otannya wiicela.—Mas 29:22

Sawooniherya sa exilema “‘Orula’ Ichu Sinnanariha Murecele—Makupa akwatiwe.” 1. Emily ni Celia ekiraanthe enwuryaka kafe. Celia awehaka iruku mu telefone seiyo Haley opostanreiye mu interneti. 2. Haley alocaka moosarasareya murima va nipuro oneemexiwaavo ikaaro o Empa ya Omwene.

Moonihe EXILEMA “Orula” Ichu Sinnanariha Murecele—Makupa akwatiwe. Voocharela mwaakohe alipa oowiriyana:

Tiheeni muhusenryaanyu vooloca sa ohakalala nave tho wi masu ahu ananwerya waakanyerya murecele mmulokoni?

Naakhulo nanyu

Wi moone mukhalelo murecele okookiheryiwaaya, moone exilema eni: ‘Mwaavye Murecele ni Ochara.’

8. Yoohuserya ya Piipiliya ya Muloko

(30 min.) Mulipeleli, 08/2020, mwaha 4, ipara. 14-23 ni makoho awuuluulela