19-25 A MAIYU
MASIPOSIPO 14
Ncipo 89 ni Nivekelo | Masu Oohulela (1 min.)
1. Muupuwele Mweephoole Yeeyo Munahaalaanyu Weera Variyari va Ipahu sa Maphacuwelo
(10 min.)
Mukhaleno ephoole wi muheemererye “soothene inalociwa” seiho muniiwaanyu (Mas 14:15; Mulipeleli, 02/2023, epaax. 23, ipara. 10-12)
Muhiroromele miyoonelo sanyu naari saweereya sanyu sakhalai (Mas 14:12)
Muhaawiriyane yaawo anakhooca ohoolela wa marehereryo a Yehova (Mas 14:7)
WI MUUPUWELE: Atokweene, apwanne muri ooreheryeya wi mucharihe ohoolela ni omuroromela Yehova vaavaa enakhumelelaaya epahu ya maphacuwelo?—Mulipeleli, 07/2024, ipaax. 5-6, epara. 11.
2. Muhakhu Woomunepani
(10 min.)
Mas 14:17—Mmukhalelo taani “muchu a mavyakelo a wuupuwela” onahaaleiye wiiciwa? (Perspicaz, Vol. 2, epaax. 780)
Muhakhu taani woomunepani wa waalakhanyiwa wa Piipiliya wa esumana yeela munahaalaanyu osiveliwa okawana ni hiyaano?
3. Waalakhanyiwa wa Piipiliya
(4 min.) Mas 14:1-21 (th yoohuserya 11)
4. Opaceryiha Ovaanela
(3 min.) OLALEERYA WA VANLAKANI. Muloce echu ya Mpiipiliyani wa muchu yoowo ooleenleni wi ari awuukhuwa ni ikhorowa. (Waasivela Achu, yoohuserya 3, epontu 3)
5. Ovaanela Woocharela
(4 min.) EMPA NI EMPA. Mvahe yoolaleeryiwa erino mwaha onaluluwanya wa muchu yoowo oonihenrye nchuno variyari va ovaanela wookuchula. (Waasivela Achu, yoohuserya 9, epontu 4)
6. Waapaka Oohuserya
(5 min.) Mmuceenyerye oohuserya anyu omwaalakhanyaka Piipiliya nihiku nnihiku nave mmooniherye owo mukhalelo waweerano yeeyo. (th yoohuserya 19)
Ncipo 126
7. Mukhale Ooreheryeya Ntakhara Epahu ya Maphacuwelo
(15 min.) Othokororya ni alipa oowiriyana.
Olociwe ni mutokweene a mmulokoni. Mphitaanyerye sooleeliherya sinarweela ofiliyale ni nikhuuru na atokweene, wakhala wi soovahereryiwa.
Woona wi nnakhala “mmahiku ookuchula,” ninnasuwela wi nnahaala okhalakano makacamiho mancipale. (2Tim 3:1) Ikwaha sincipale, ehaakumve naari variyari va epahu, achu a Yehova annaakhela ohoolela yoowo onahaala waakhaviherya ovuluxa ikumi saya. Okophola wahu onarweela wa yeeyo nnahaalaahu opaka hiihaano wi nlipihe nroromelo nahu ni orehererya seiho nnahaalaahu ochuna.—Mas 14:6, 8.
Mwiirehererye mmakupa oomunepani: Mukhaleno yookhovelela ya omwaalakhanya Piipiliya ni yoohuserya ya muchu mukhateiye. Mwaaceererye mavyakelo anyu mmikhalelo soohiyanahiyana mmuteko woolaleerya. Muhikhale awoova wakhala wi moomwalamwala ni akina mmulokoni mu elukuluku ya vakhaani. (Mas 14:30) Nyuwaano hamuri oovalaanyeya wa Yehova Muluku vamoha ni Yesu Kristu.—Ooreheryeya, epaax. 176, ipara. 15-17
Mwiirehererye mmakupa oomwiilini: Ohiya okhalano miruparu, emusi ti emusi enaphwanela okhapelela yoolya, maahi, murece ni ichu ikina soolikana, wakhala woochuneya mwiipithe vanipuroni mu elukuluku yincipale.—Mas 22:3; Despertai!, 5/2017, epaax. 4
Moonihe EXILEMA Apwanne Mohiirehererya Ntakhara Ipahu sa Maphacuwelo? Voocharela mwaakohe alipa oowiriyana:
Ti mwawiihai Yehova onahaaleiye onikhaviherya mu ilukuluku sa ipahu sa maphacuwelo?
Tiheeni nnaphwanelaahu weera hiihaano wi nikhale ooreheryeya?
Nni naakhaviherye hai achu akina yaawo evoloweliwe ni ipahu sa maphacuwelo?