29 A SETEMPURU–5 A OTUPURU

EKLESIYASTI 3-4

Ncipo 93 ni Nivekelo | Masu Oohulela (1 min.)

MUHAKHU WA MASU A MULUKU

Mutheli mmoha ari oohakalala emwaalakhanyaka Piipiliya vamoha. — Mmaliheke elukuluku mukina ni mukhwaawe vamoha ni Yehova

1. Mweerihe Mikoyi Miraru Iritheliwe Vamoha mu Othela Wanyu wi Ilipe

(10 min.)

Mwaavye elukuluku wi mukhaleno ovaanela woophwanelela (Ekl 3:1; Ensinos Bíblicos, mwaha 10, ipara. 2-8)

Mpakeke ichu vamoha (Ekl 4:9; Mulipeleli, 05/2023, ipaax. 23-24, ipara. 12-14)

Mwaavyeke olipiha onthamwene anyu ni Yehova (Ekl 4:12; Mulipeleli, 05/2023, epaax. 21, epara. 3)

MWIIKOHE: ‘Wakhala wi kiri ocai ni mwaaraka naari iyaka, akhweya opaka mukwaha, nikacamiho taani eyo yaahaalaaya oruuhela othela waka?’

2. Muhakhu Woomunepani

(10 min.)

Ekl 3:11—Echu taani enooniherya wi achu hiyaapatuxiwe wi ekhweeke? (Mulipeleli, 12/2022, epaax. 4, epara. 7)

Naakhulo nanyu
Muhakhu taani woomunepani wa waalakhanyiwa wa Piipiliya wa esumana yeela munahaalaanyu osiveliwa okawana ni hiyaano?

Naakhulo nanyu

3. Waalakhanyiwa wa Piipiliya

(4 min.) Ekl 4:1-16 (th yoohuserya 2)

MWIIVYAKIHE MMUTEKO WOOLALEERYA

4. Opaceryiha Ovaanela

(3 min.) EMPA NI EMPA. Mumpharihele Mulipeleli, N.° 1 a 2025 wi mpaceryihe ovaanela. Muchu owo onnooniherya nchuno mmwaha mukina nave mutoroke yeeyo mwaayaanyu oloca mwiiwananihaka ni yeeyo owo olonceiye. (Waasivela Achu, yoohuserya 2, epontu 5)

5. Ovaanela Woocharela

(4 min.) OLALEERYA WOOHILAKELELA. Mvahe yoohuserya ya Piipiliya wa muchu yoowo eemerenrye omwaakhela Mulipeleli, N.° 1 a 2025. (Waasivela Achu, yoohuserya 9, epontu 4)

6. Mwaha

(5 min.) Waasivela Achu, apentisi 1, epontu 12—Muru: Muluku Teekhaikhai Nave Haanono Nthalu. (th yoohuserya 19)

OKUMI WEEKRISTU

Ncipo 131

7. Wakhala wi Aakhumelela Makacamiho Moothelani, Muhirwe Mmucuwale Yehova

(15 min.) Othokororya ni alipa oowiriyana.

Yehova oovahererya nikhaviheryo wa atheli oothene wi ekhaleno othela woohakalaliha. Naamwiihiiha, atheli ancipale annahoolela makacamiho ilukuluku sincipale. (1Ako 7:28) Nave wakhala wi makacamiho yaawo a moothelani herehereryiwe, mulopwana ni mwaariye ananwerya oyeleelaka ohakalala ophiyerya wuupuwela wi makacamiho awo herwa emala. Wakhala wi munnahoolela nikacamiho ntoko nenla, tiheeni munaphwanelaanyu weera?

Exilema Osivela Weeparipari ennamooniherya mutheli yoowo ori mmiravo onahoolela makacamiho oovila mu othela. Munnuupuwela ekano ya apapa awe Mekan yeeyo awo yamvanhaaya vaavaa owo aapankeiye yoolakelela ahuupuwelenle mukhalelo Yehova uupuweleiye?

Moonihe EXILEMA Osivela Weeparipari?—Makupa akwatiwe. Voocharela mwaakohe alipa oowiriyana:

Vaavaa nnahoolelaahu makacamiho mu othela, ntakhara heeni ochariha ikano sa Yehova ikwaha soothene ti waphaama?—Yes 48:17; Mat 19:6

Naakhulo nanyu

Wakhala wi munnahoolela makacamiho mu othela wanyu muhimuhiye Yehova okhwipi. Mukhaleno yookhovelela ya phaama yoomunepani. Mwiilipixerye orehererya makacamiho mpharihelaka malakiheryo a Mpiipiliyani. Mutholathole mu soolaleeryiwa sahu wi moone yeeyo Yehova onuupuweleiye ni onaweheryeiye wi mpake. Mu weerano yeeyo, nyuwaano munamooniherya wa Yehova wi munnachuna nikhaviheryo ni mareeliho awe.—Mas 10:22; Yes 41:10.

Yawooniherya ya exilema “Muhihuwelihiwe ni Murecele Watheru!—⁠Darrel ni Deborah Freisinger.” Yawooniherya ya murokora mmoha Freisinger awehaka eruku.

Moonihe EXILEMA Muhihuwelihiwe ni Murecele Watheru!—Darrel ni Deborah Freisinger. Voocharela mwaakohe alipa oowiriyana:

Tiheeni munahuseryaanyu ni yootakiherya ya mutheli Freisinger vooloca sa mukhalelo wa ovootha makacamiho oovila mu othela?

Naakhulo nanyu

8. Yoohuserya ya Piipiliya ya Muloko

(30 min.) Ohuserye sa Piipiliya, yoohuserya 22, map. a nikupa 5, ni yoohuserya 23