Yooleeliherya Ya Ohuserya

Apwanne munnasiveliwa waalakhanya saweereya sa okumi sa anna ni arokora ahu?

Mutheli mmoha yoowo onaalakhanya yaweereya emoha ya okumi wooxiixelo ori woothene, ooloca: “Saweereya seiha sinnanilipiha ni onihakalaliha! Iho sinnanuupuxerya wi hiyaano tho nnanwerya okhala oororomeleya mmikhalelo soothene.” Murokora mmoha oniisoona mmukhalelo mmohamoha, ooloca: “ Saweereya seiha sa okumi sinnakihakararya, okiceenyeerya ni okilipiha. Okumi wa anna ni arokora ahu wookhalano soolakelela sincipale sirino sootaphulela. Saweereya seiha sinnakiceenyerya opaka sincipale mmuteko woolaleerya ni okikhaviherya waahoolela anaaka wi evolowe mmuteko wa Yehova wa elukuluku yoothene.”

Saweereya sa okumi sinamooceenyeryaani weererya opaka sincipale mmuteko wa Yehova, ovootha oceecheya, ovilela makacamiho oovila moohakalala ni moophwanelela. Muni nwerye hai ophwanya saweereya seiha?

• Mutholathole miyaha “Saweereya sa Okumi sa Anamoona a Yehova” mu jw.org naari mu JW Library®.

• Mutholathole miyaha “Saweereya sa Okumi sa Anamoona a Yehova” mu Watchtower ONLINE LIBRARY^™ naari Watchtower Library.