Sampuwa
ESUMANA YA 29 A MAIYU, 2017–4 A YUNYU, 2017
Malakano mahai mpankaanyu wa Yehova Munoona wi munnakhala mwawiiwanana ni yaawo ophiyerya vaavaa munaweryelaanyuvo? Hanka vooloca sa nlakano nanyu na wiiveleela naari na othela? Mmwaha yoola nnahaala ohuserya sootakiherya saphaama sa Yefite ni Ana, yaawo yakhwaanihenrye malakano aya. Eyo enahaala onikhaviherya okhwaaniherya malakano ahu wa Muluku.
ESUMANA YA 5-11 A YUNYU, 2017
10 Ichu Taani Inahaala Weererya Omwene wa Muluku Warwa?
Wiiliwiili ninnuupuwela yeeyo Yehova oneereiye anivahe mu Parataiso. Nyenya mmwaha yoola, nnahaala othokororya makacamiho masese yaawo Yehova onahaaleiye oviihavo veelaponi wi atikitherye murecele ni ohakalala. Othokororya wuuwu onahaala olipiha nroromelo nahu ni yoolakelela ahu ya ovilela.
ESUMANA YA 12-18 A YUNYU, 2017
15 “Muthoriha a Elapo Wakhweya Onarwa Athoriha ni Ohokololowa?”
ESUMANA YA 19-25 A YUNYU, 2017
21 Mano, Munnatakiherya Ekhaikhai ya Yehova?
Vaavaa nneemereryaahu wi noheereliwa naari nohoona ohookololowa, nroromelo, wiiyeviha ni ororomeleya wahu akhweya onamweehiwa. Miyaha seiya sinnaloca saweereya raru sa Mpiipiliya sinahaala onikhaviherya otakiherya ekhaikhai ya Yehova.
ESUMANA YA 26 A YUNYU, 2017–2 A YULYU, 2017
27 Wiiveleela Wanyu Onnaruuha Ncicimiho wa Yehova!
Naamwi Yehova ahichunaka echu orweela wa hiyo, owo onnahakalala vaavaa onooneiye wiilipiherya wahu okhaviherya olamulelo awe. Mu Amuthoriha icima 4 ni 5 nnahaala ohuserya wi Yehova onnathamalela wiiveleela wahu omurumeela ni ochara ohoolela wawe.