Sampuwa

Olelo, achu ancipale anachuna wooneliwamo onarweela mu elapo yeela ya Satana. Mwaha ola onahaala othokororya ntakhara heeni ninnaphwanela wiiliwiili ochuna ophwanya weemereryiwa onarweela wa Yehova, yoowo ori mukhalelo waphaama wa weemereryiwa. Nnahaalatho othokororya mukhalelo Yehova aavanheiye akapuro awe oororomeleya weemereryiwa, mu ikwaha ikina mmikhalelo yahaanyiheryaaya.

Mmwaha yoola, nnahaala woona ntakhara heeni mulopwana oororomeleya Mose aachenkeiye nave aayeleenleiye ekari ya ovolowa mu Elapo ya Nlakano. Nnahaalatho ohuserya mukhalelo nneeraahu nsepe opaka yoocheka emohamoha.

Achu oothene ta Yehova, mwawiihiiha nnaphwanela okhala oororomeleya wa yoowo. Achu akina analoca wi anamulapela Yehova nto hanamwiiwelela yoowo. Mmwaha woopacerya, nnahaala ohuserya soohuserya sookhweleya orweela wa saweereya sa Mpiipiliyani sa Kayine, Solomoni, Mose ni Aroni. Mmwaha wanawiili, nnahaala othokororya mikhalelo sa omooniherya Yehova wi ninnathamalela okhala ntoko achu awe.