Mwene Awirimu Onahaala Oruha Mareliho Velaponi

41 Yehova aahimukuha Yesu okhala Mwene wirimu.—Yesaya 9:6; Danieli 7:13, 14; Saweriwa Tarummwa 2:32-36.

42 Owo onahaala olamulela elapo yothene.—Danieli 7:14; Mateyu 28:18.

43 Mano munnupuwela yeyo enahaala oweerela atchu oonanara?—Salmo 37:9, 10; Luka 13:5.

44 Mano munnupuwela nsina na mungelo oopacherya yowo aatchenke? Yesu onahaala omutolosha owo vamoha ni angelo akina oonanara. Sophwaniherya saya inahaala otoloshiwa.—aHebri 2:14; Yawupulula 20:2, 10.

45 Yesu onahaala opaka itchu sinchipale saphama ntakhara a atchu awiiwelela.—aHebri 5:9.

46 Haavotho onahaala okhala awiicheliwa.—Yesaya 33:24; Yawupulula 22:1, 2.

Mano munnupuwela wii Yesu ahaapenusha atchu awiicheliwa?

47 Othene anahaala okhalano itchu saphama.—Yesaya 65:17, 21-23.

48 Muluku onnawupuwela naalipa okhweene. Owo onahaala ompharihela muteko Yesu wii aakhalihetho akumi. Iwo oniitchaniwa oviihiwa wukhwani.—Yohane 5:28, 29; 11:25.

49 Vachuli va otoloshiwa oonanara othene, havovo oni akhweeke. Nari inama samutakhwani hisoopihakaa. Atchu othene anahaala okhala oohakalala okhala wokhala.—Yawupulula 21:4; Yesaya 65:25; Salmo 37:11, 29.