Yohuserya 9
Akapuro A Muluku Anatchuneya Ekhale Awela Ni Ohikhala Onyala
Ntakhara sheni oryaya wokweleya wi nikhale awela ni ohikhala onyala mmakhalelo othene? (1)
Onataphulela sheni okhala awela ni ohikhala onyala mmakhalelo omunepani? (2)
mmakhalelo? (3) mmawupuwelo? (4) mwa mwili? (5)
Mwaha wotchekula tani wonyala onatchuneya osepa? (6)
1. Yehova Muluku tawela ni ohikhala onyala. Owo onawehererya wi akapuro awe yikhalele awela ni ohikhala onyala mmakhalelo omunepani, mwamakhalelo, mmawupuwelo ni mmwilini. (1 Petro 1:16) Wikhalela awela vamithoni va Muluku onatchuneya owetha. Nri mwilapo yonyala. Vanonto onatchuneya owanano othitimanelawahu wera sonanara. Nari hiha nihihiye.
2. Wela Womunepani: Natchunaka omurumela Yehova, nihitchariheke mahusiheryo ni mihapo sa mamulapelo atheru. Onatchuneya nikhumemo mmamulapelo atheru nave nihikhaviheryeke nari vakhaniru. (2 Akorinto 6:14-18; Yawupulula 18:4) Namala ohuserya eparipari ya Muluku, onatchuneya niweheryeke wi nihihuwelihiwe ni ahusiha atheru.—2 Yohane 10, 11.
3. Wela Mmakhalelo: Yehova anatchuna wi akapuro awe yecheke mophwanelela ntoko aKristu eparipari. (1 Petro 2:12) Owo onnona sothene nnerahu, nari iri sawiphini. (Ahebri 4:13) Onatchuneya nsepeke makhalelo a mararuwo ni sawera selapo yela sonyala.—1 Akorinto 6:9-11.
4. Wela Mmawupuwelo: Nasariha mupuwelo ni sawupuwela sorera ni sawela, makhalelo ahutho eni ekhale awela. (Afilipi 4:8) Vano natitelela wupuwela sonyala nni nnoniha miteko sonanara. (Mateyu 15:18-20) Onatchuneya nsepeke makhalelo othata eniwerye oripiha mawupuwelo ahu. Nihuseryaka Masu a Muluku nnerahu niwerye wachererya mawupuwelo aphama.
5. Weliha Mwili: Vophwanya wi aKristu ari munipuroni na Muluku, onatchuneya yikhalele awela mmwilini ni musowara. Onatchuneya nnyaweke mata napharihela muteko elatrina navetho nnyaweke nihipachenrye olya naritho nryeheryelaka solya. Yahikhalavo elatrina vetchokoni, nuheleke sotakhala. (Detronomiu 23:12, 13) Wikhalela awela mmwilini onnakhaviherya okhalano okumi waphama. Etchoko ya muKristu enatchuneya ekhaleke yohikhala onyala ni yawela, mpuwa ni vate. Ekhale yotakiherya ya makhalelo aphama veri va atchu.
6. Otchekula Wawela: Akapuro a Muluku anatchuneya elocheke eparipari ewora yothene. Alipa wotha hanavolowa Omwene wa Muluku. (Aefeso 4:25; Yawupulula 21:8) Akristu hanalocha sohiphwanelela. Hanawiriyana nari olocha masu awucha. Nthowa nawopawaya mwaha wawela omutekoni nari oskolani, naritho ni achamannayano, annoniha okhalawaya ohiyana.—Aefeso 4:29, 31; 5:3.
[Iruku va epaaxina 18, 19]
Akapuro a Muluku anatchuneya okhala ohikhala onyala mmakhalelo aya othene