Yohuserya 14

Anamona A Yehova Oreheryeryeya Waya

Apachenrye lini Anamona a Yehova mutekoaya mmahiku yala amutano? (1)

Anamona a Yehova anihanno mithukumano saya? (2)

Olivela anihanno miteko saya? (3)

Tani anaholela miloko saya? (4)

Mithukumano tani mitokhwene anapakaya va muyakhani? (5)

Muteko tani onaphariwa wutokweneni waya ni mmakongenere? (6)

1. Anamona a Yehova apachenrye mutekoaya mmahiku ala amutano mu nikhumi na 1870. Wopacheryani, yeriwa alipa Omuhuserya Biblia. Vano ovinyerya m’1931 takushalaya nsina na mbibliani na Anamona a Yehova. (Yesaya 43:10) Vamapacheryeryo makhani, yahacheryeryeya ekhala amile anchipale Anamona, oweiwa ni olalerya mu ilapo sopwaha 230.

2. Milokosha minchipale sa Anamona a Yehova inapaka mithukumano vararu murunku ni murunku. Ninnovekani wii murwe mone mmoha sa hiho. (Ahebri 10:24, 25) Inahusihiwamo inarwela mbibliani. Mithukumano inapacheriwa ikutchuliwa nnivekelo. Navetho annipiwa “matchipo amunepa” mmithukumanosha minchipale. (Aefeso 5:18, 19) Mutchu onanvolowa pahi henalamuleliwa esisapo ya yovelela.—Mateyu 10:8.

3. Miloko minchipale inapaka mithukumano mu Empa ya Omwene. Wiliwili enakhala empa pahi, Anamona awivelela asinene anatekaya. Hononeyamo Mumpa ya Omwene sopatcha, nari mikimanyo nari sikina samota yola. Solivela inaliveliwa ni sovelela sorwela vamurimani. Onatchuna ovaha yovelela, yokhalamo ekasha ya sovelela.—2 Akorinto 9:7.

4. Mmiloko yothene wokhalamo asiitokwene, nari alipa oweherya. Yawo tanaholela sohuserya mmulokoni. (1 Timoteo 3:1-7; 5:17) Anakhaviherya arummwa orumela. (1 Timoteo 3:8-10, 12, 13) Ala tahi wii ari awapwaha akina mmulokoni. (2 Akorinto 1:24) Hanavahiwa masina amiteko saya. (Mateyu 23:8-10) Hanawara mohiyana nakina. Hanaliveliwa nari tontoru va miteko saya. Asiitokwene anapwatcha sa mmunepani wa muloko mwawivelela waya. Awo annakhaviherya enamaliha ni oholela mwilukuluku ya sokachamiha.—Yakobo 5:14-16; 1 Petro 5:2, 3.

5. Anamona a Yehova annapaka mithukumano mitokotoko muyakha ni muyakha. Mwilukuluku yeyo, sinnathukumana vamoha miloko minchipale ikhala vamoha enamuhuserya Biblia. Obatiso wa ohuserya ahihano makupa makina ohocheleya a maryeheryeryo a mithukumano mitokotoko.—Mateyu 3:13-17; 28:19, 20.

6. Nipuro ntokotoko na Anamona a Yehova nelapo yothene nri Nova York, EUA. Wiwo tinryayawo Nikhuru Nolamulela, nikhuru na eriyari na asiitokwene aweryeryene anaweheryerya miloko selapo yothene. Akhalavo mafiliyale opwaha 100, nimakongenere velaponi yothene. Mmapuroene yala, akhalamo awivelela anenaya anakhaviherya orempwa wa alivro anamulalerya Biblia ni wakawa. Annaholela enaryeheryela olalerya. Ninnovekani wii mwechelele efiliyale nari ekongenere eri vakhiviru vanyu.