Awo Yaamuwiriyana Satana​—Tiheeni Saari Sookhumelelavo?

Aatamu ni Haava hiyaamwiiweleenle Muluku, mwawihiihaa awo yaahikhwa. Mapacereryo 3:6, 23

Haava aawiriyana enowa nave aalya yawiima. Vaculi vaya, owo amvaha tho Aatamu, nave Aatamu aalya eyo.

Echu yeeyo awo yeenraaya yaari yoonanara​—eyo yaari yoocheka. Muluku aamwiikara Aatamu ni Haava mu emaca ya Paradaiso.

Okumi waari woovila wa yaawo ni anamwane aya. Awo yaahuuluvala nave yaakhwa. Aatamu ni Haava hari o nipuro noomunepani, awo aakhwa.

Achu ookhwa haano okumi hiiha ntoko nchupi. Mapacereryo 3:19

Hiyaano ninnakhwa nthowa nawi nnarweela wa Aatamu ni Haava. Achu ookhwa hanawerya woona nari wiiwa nari weera echu eri yoothene.​—Eklesiyaste 9:5, 10.

Yehova haachuna wi achu ekhweeke. Moohilekela Yehova onahaala waaviiha muukhwani achu ookhwa. Wakhala wi awo aamuwiriyana owo, awo anahaala okhala ni okumi okhala wookhala.