EPIIPILIYOTEKA ya Watchtower
EPIIPILIYOTEKA
ya Watchtower
Elomwe
  • PIIPILIYA
  • SOOLALEERYIWA
  • MITHUKUMANO
  • yc yoohuserya 8 ipaax. 18-19
  • Yosiya Aakhalano Asinthamwene Aphaama

Henaphwanyeya exilema mu nikupa nenla.

Munikhurumuwele, yookhala ehesen'ye nichunaka owoonihaani exilema ela.

  • Yosiya Aakhalano Asinthamwene Aphaama
  • Mwaahusihe Anamwane Anyu
  • Miyaha Soophwanaphwana
  • Yosiya Aanasivela Malamulo a Muluku
    Ohuserye Miyaha sa Piipiliya
  • Mwene Aphaama Ookuchula A Isarayeli
    Liivuru Aka a Myaha sa Piipiliya
  • Amiravo​—⁠Munachuna wi Okumi Anyu Okhale wa Mukhalelo Taani?
    Mulipeleli Alaleyaka Omwene wa Yehova (Oomuhuserya)—2023
Mwaahusihe Anamwane Anyu
yc yoohuserya 8 ipaax. 18-19
Mwene Yosiya anwiriyanaka nthamwene awe Yeremiya

YOOHUSERYA 8

Yosiya Aakhalano Asinthamwene Aphaama

We onuupuwela wi ti woovila weera yeeyo eri yaphaama?— Achu ancipale anuupuwela wi ti yoovila. Piipiliya onnanleela wi waari woovila wa mmiravo iichaniwa Yosiya weera yeeyo yaari yaphaama. Nnya Yosiya aakhalano asinthamwene aphaama yaawo yaamukhavihenrye. Haya nihuserye sincipale vooloca sa Yosiya ni asinthamwene awe.

Tiithi a Yosiya aari Amooni, mwene o Yuuta. Amooni aari oonanara murima nave aalapela soophwaniherya. Vaavaa tiithi a Yosiya aakhwileiye, Yosiya aakhala mwene o Yuuta. Nnya Yosiya aarino iyaakha sa oyariwa thanu nararu pahiru! We onuupuwela wi owo aari oonanara murima ntoko tiithi awe?— Hooye!

Mulipa a miririmu Sofoniya aaleelaka achu a Yuteya michaka sa Yehova

Sofoniya aahaalopola achu wi ehilapeleke soophwaniherya

Naamwi aari mmiravo, Yosiya aanachuna omwiiwelela Yehova. Nnya Yosiya aathanla pahiru okhalano asinthamwene mwa achu yaale yaamusivela Yehova. Nave awo yaamukhaviherya Yosiya weera yeeyo yaari yaphaama. Taani yaari asinthamwene a Yosiya?

Nthamwene mmoha aari Sofoniya. Sofoniya aari mulipa miririmo aalopola achu o Yuuta wi ichu soonanara saahaala weereya nthowa na olapela soophwaniherya. Yosiya aahinwiriyana Sofoniya nave aamulapela Yehova, ohiya soophwaniherya.

Nthamwene mukina a Yosiya aari Yeremiya. Owo aarino iyaakha soolikana ni Yosiya, nave awo yaakhala mapuro awaacamana vaavaa yinnuwaaya. Awo yaari asinthamwene aphaamaxa ophiyerya Yeremiya orepa ncipo navameekhaaya vooloca sa munkhela awe vaavaa Yosiya aakhwileiye. Yeremiya ni Yosiya yaakhaviheryana mukina ni mukhwaawe weera yeeyo yaari yaphaama ni omwiiwelela Yehova.

Yosiya ni Yeremiya yaakhaviheryana mukina ni mukhwaawe weera yeeyo yaari yaphaama

Tiheeni onaweryaawe ohuserya orweela wa yootakiherya ya Yosiya?— Naamwi Yosiya aari mmiravo mukhaani, owo aanachuna weera yeeyo yaari yaphaama. Yosiya aasuwela wi aaphwanela okhalano asinthamwene anamusivela Yehova. Wiikasope, waathanle asinthamwene yaawo anamusivela Yehova nave anahaala wookhaviherya weera yeeyo eri yaphaama!

MWAALAKHANYE MPIIPILIYANI MWANYU

  • 2 Matharihelo 33:21-25; 34:1, 2; 35:25

MAKOHO:

  • Taani aari tiithi a Yosiya? Owo aaheera yeeyo yaari yaphaama?

  • Tiheeni Yosiya aachuneiye weera naamwi ari mmiravo mukhaani?

  • Taavi yaari masina a asinthamwene apiili a Yosiya?

  • Tiheeni onaweryaawe ohuserya orweela wa yootakiherya ya Yosiya?

    Soolaleeryiwa sa Lomwe (1995-2024)
    Okhumavo
    Ovolowa
    • Elomwe
    • Ovaha
    • Orehererya
    • Copyright © 2025 Watch Tower Bible and Tract Society of Pennsylvania
    • Malakiheryo a Opharihela
    • Malakiheryo a Sookhuweya
    • Configurações de Privacidade
    • JW.ORG
    • Ovolowa
    Ovaha