Mapaceryiho a Nikupa 12

Yesu aahaahusiha achu vooloca sa Omwene wa wirimu. Aahaahusiha tho ovekela wi nsina na Muluku neelihiwe ni Omwene awe orwe veelaponi yavathi. Mwaari tiithi mmutharihele mwaninyu tiheeni nivekelo nlo nnataphulelaaya wa hiyaano. Yesu heemerenrye wi Satana ananarihe ororomeleya wawe. Owo aahaathanla arummwa awe, nave awo yaakhala achu oopacerya opaka makupa a Omwene. Yesu aari oowetha mmalapelo eeparipari. Owo aanaakhaviherya achu, aanaapenuxa awiiceliwa, aanaacelekhela oovoliwa nave aanaaviiha achu ookhwa. Ni sootikhiniha seiyo, owo ooniherya echu Omwene onahaalaaya weera wa achu aphaama.