YOOHUSERYA 12
Oloca Moolucuwa ni Moosivela
ECHU YAWEERA: Muloce ni murima woothene, nave mooniherye wi munnaasivela oowiriyana anyu nave wi munnachuna waakhaviherya.
MUKHALELO WA WEERANO:
● Nwuupuwele oowiriyana anyu. Murehererye murimaanyu moorweela wa wiisuupuserya mukhatiinyu sa makacamiho awo anakumanaayano. Mweererye waanyiherya mukhalelo anuupuwelaaya.
● Muthanlele masu anyu mweephoole. Mwaaxaaxe waahakararya, waalipiha ni waakhaviherya oowiriyana anyu. Musepe oloca masu a waanyemula achu yaawo ahinamuroromela Yehova naari yeeyo awo anaroromelaaya.
● Mooniherye opwacha wanyu. Ni masu eepewe nave ni ineneeryo soophwanelela, oniheryani wa oowiriyana anyu wi chiryene munnathokororya. Variyari va mwahaanyu mooniherye moonelo wa otheya.
Muhiloce ni masu akuruxa naari ocicimiheryaxa moonelo anyu. Vaavaa munaalakhanyaanyu mooniherye moonelo anyu onathoonya makupa munaalakhanyaanyu, nyenya muhiicicimiheke mukhatiinyu. Mweererye oloca moohakalala mooniheryaka wi munnaasivela.