YOOHUSERYA 17
Wawiiwexexeya wa Akina
ECHU YAWEERA: Mwaakhaviherye oowiriyana anyu wiiwexexa yootaphulela ya muchaka anyu.
MUKHALELO WA WEERANO:
● Muhuserye mwaha anyu mwawaakhwanela. Mwiiwexexe mwaha mookwakwaleya wi nwerye othariha mookhweya nave mmasu anyu.
● Mpharihele masu ookhuveya ni ookhweya. Naamwi yeemereryiwaka oloca masu oorekama, mvuwihe nyaha sookhweleya mookhweya.
Muhipharihele masu oohichuneyaxa yaawo anahaala waakanyerya naari waaphweela oowiriyana anyu. Muloce malocelo ookhweya, ohiya oovila.
● Mutharihe masu ahikhoveleliwe. Wakhala wooweryeya, muhipharihele masu ahikhoveleliwe ni oowiriyana anyu. Wakhala wi mulonce masu ahikhoveleliwe, mukhalelo wa Piipiliya, naari mukhalelo wakhalai wa waalakhanyerya manunturu naari yookhovelela, mutharihe masu yaawo.