OPACERYIHA OVAANELA
YOOHUSERYA 6
Ohoova
Nlakiheryo: “Vawi Muluku hanivanhe munepa wawoova, nyenya woowerya.”—2 Tim. 1:7.
Tiheeni Yesu Opankeiye?
1. Moone EXILEMA, naari mwaalakhanye Luka 19:1-7. Voocharela, mwaakhule makoho anacharela:
Ntakhara heeni achu akina yaanamusepa Sakeyu?
Tiheeni yaamuceenyenre Yesu olaleerya michaka saphaama wa yoowo?
Tiheeni Nnahuseryaahu Orweela wa Yesu?
2. Nnaphwanela okhala oohoova wi nlaleerye michaka saphaama sa Omwene wa achu oothene nihoonihenrye nthalu.
Mmutakiherye Yesu
3. Mmuroromele Yehova. Waari munepa wa Muluku waamvanhe Yesu ikuru wi alaleerye, nave munepa mmohamoha onanwerya wookhaviheryaani. (Mat. 10:19, 20; Luka 4:18)Wakhala wi munniisoona okhala awoova wi mmulaleerye muchu, mumveke Yehova wi oovaheeni olipa murima.—Saw. 4:29.
4. Muhaathoriheke achu. Akhweya vakina vaya ninnakhala awoovelela oloca ni achu akina, pahiru wanthowa na mukhalelo anooneyaaya, sookhalano saya, naari mukhalelo aya wa okumi, ni soororomela sa malapelo aya. Nyenya muupuwele:
Yehova ni Yesu annawerya waalikhela mirima, nyenya hiyaano hooye.
Haavo ori ocai wa ikharari sa Yehova.
5. Muhooveke, nyenya mukhale a ncicimiho ni oophimelela. (Mat. 10:16) Muhiivoliiherye mu waakhulana. Wakhala wi muchu hanachuna owiriyana michaka saphaama, naari moona wi mukhalelo hokhanle phaama, mukwatelele ovaanela mmukhalelo waphaama.—Mas. 17:14.