MAKOHO A PIIPILIYA AAKHULIWE

Ntakhara heeni ovekela wi Omwene wa Muluku orwe?

Omwene wa Muluku olamulelo wa wirimu. Yesu aahaahusiha oomuchara awe ovekela orwa wa Omwene ntakhara onahaala oruuha ekhaikhai ni murecele veelaponi yavathi. Haavo mulamuleli onawerya omaliha nlala, ohikhala ekhaikhai naari ireca, nyenya Omwene wa Muluku onanwerya omaliha. Muluku oomuthanla Mwanawe, Yesu wi akhale Mwene a Omwene. Yehova tho oothanla nikhuuru na oomuchara a Yesu wi elamuleleno mu Omwene.​—Mwaalakhanye Luka 11:2; 22:28-30.

Moohilekela, Omwene wa Muluku onahaala waapahula amwiicani oothene a olamulelo wa Muluku. Mwawiihiiha ovekela orwa Omwene wa Muluku yooveka wi olamulelo wa Muluku oraceele olamulelo woothene wa achu.​—Mwaalakhanye Taniyeli 7:13, 14; Yawupulula 11:15, 18.

Ntakhara heeni Omwene wa Muluku onahaala waareeliha achu?

Yesu Mwene oophwanelela ntakhara owo ta ikharari. Ntoko Mwaana a Muluku, ookhalano owerya wi aakhaviherye oothene anakhuwela wa Muluku.​—Mwaalakhanye Salmo 72:8, 12-14.

Omwene wa Muluku onahaala waakhaviherya oothene anavekela mweeparipari evekaka orwa wa Omwene ni yaawo anakhala mwawiiwanana ni yoochuna ya Muluku. Hamukhalano ekeerelani ohuserya yeeyo Piipiliya onaloceiye sa Omwene wa Muluku.​—Mwaalakhanye Luka 18:16, 17; Yohane 4:23.

Wi muhuserye sincipale, moone ekapitulu 8 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onaphwanyeya tho mu www.jw.org

[Eruku va epaaxina 32]

Munnachuna asuwela sincipale vooloca sa Omwene wa Muluku ni yeeyo onahaalaaya weera?