Makoho A Piipiliya Aakhuliwe

Apwanne Yesu aahaaviiha achu chiryene?

Piipiliya onnaloca mookwakwaleya wi Yesu aahaakookiherya ekumi achu yaakhwile. Saweereya seiho tahi ithale iho seeren’ye mmapuro eeparipari nave mu elukuluku aya. Ntoko yawooniherya, variyari va elimwe ya eyaakha ya 31 E.K., muloko muncipale wa achu waaheeca mukwaha ni Yesu okhuma o Kapernao oya o Nayini. Yaaphiyalaaya awo yaaphwanya muloko mukina wa achu. Nyuwaano munahaala weemererya yaweereya ya ovinya yeeren’ye voocharela ntakhara yoorempwa Mmasu a Muluku, Piipiliya, nave tho ntakhara eyo yeeren’ye variyari va anamoona oothene yaale.​—Mwaalakhanye Luka 7:11-15.

Yesu aamviiha tho nthamwene awe Lasaro, yoowo yaavinre mahiku maxexe akhwile. Munahaala weemererya yaweereya yeeyo Yesu eenreiye nihiku nenle ntakhara wi eyo tho yaaheereliwa onamoona ni achu ancipale.​—Mwaalakhanye Yohane 11:39-45.

Ntakhara heeni Yesu aahaaviiha achu?

Yesu aahaaviiha achu ntakhara wi owo aanamoriwa ikharari. Owo tho aaheerano yeeyo wi ooniherye wi Atiithi awe, Mpatuxa a okumi, yaahimvaha ikuru ophiyerya wa alipa okhwa.​—Mwaalakhanye Yohane 5:21, 28, 29.

Ovinya mookhwani yoowo Yesu eenreiye onnanivaha nroromelo mu soolaiherya sawe sa omwaahiyu. Owo onahaala waaviiha achu ancipale, ophitaanyerya achu oohikhala ekhaikhai yaawo yaahisuwenle vooloca sa Muluku eeparipari. Awo anahaala ovahiwa ekari wi emusuwele ni omusivela Yehova Muluku.​—Mwaalakhanye Saweriwa Tarummwa 24:15.

Wi muhuserye sincipale, moone ekapitulu 7 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onaphwanyeya tho mu www.jw.org

[Eruku va epaaxina 32]

Yesu aamviiha tho nthamwene awe Lasaro, yoowo yaavinre mahiku maxexe akhwile