MAKOHO A PIIPILIYA AAKHULIWE

Ntakhara heeni ninnaphwanela wuupuwelela okhwa wa Yesu?

Okhwa wa Yesu yaari yaweereya yoochuneyaxa mmiyaha soothene​—owo ookhwa wi arehererye okumi wa achu mmukhalelo woophwanelela. Muchu haapakiwe wi eereke soonanara, iceliweke naari akhweeke. (Mapacereryo 1:31) Nyenya yoocheka yaavolowa mweelaponi yoothene moorweela wa mulopwana oopacerya, Aatamu. Yesu ooveleela okumi awe wi anoopole mu yoocheka ni okhwa.​—Mwaalakhanye Mateyu 20:28; Aroma 6:23.

Muluku ohooniherya osivela otokweene moorweela wa omurumiha Mwanawe veelaponi yavathi wi akhwe ntakhara hiyo. (1 Yohane 4:9, 10) Yesu aahaaleela oomuchara awe wuupuwelela okhwa wawe moorweela wa yaweereya yookhweya epharihelaka ephaawu ni eviinyu. Weerano yeeyo muyakha ti muyakha mukhalelo wa wooniherya othamalela wahu osivela yoowo Muluku ni Yesu yoonihenryaaya.​—Mwaalakhanye Luka 22:19, 20.

Taani onaphwanela opharihela ephaawu ni eviinyu?

Vaavaa Yesu aaleenleiye oomuchara awe wuupuwelela okhwa wawe, owo aaloca sa nlakano. (Mateyu 26:26-28) Eyo yaavaha ewehereryo wa yaawo nnikhuuru nikina wi ekhale mamwene ni alipa eephepa ni yoowo wirimu. Naamwi macikhwi aachu yuupuwelelaka okhwa wa Yesu, pahiru yaale ari mu nlakano nenlo tanapharihela ephaawu ni eviinyu.​—Mwaalakhanye Yawupulula 5:10.

Mu iyaakha sawaakhwana 2.000, Yehova onnaathanla yaale anaya okhala mamwene. (Luka 12:32) Awo ta vakhaani moolikanyiha ni yaale enii ekhale veelaponi yavathi.​—Mwaalakhanye Yawupulula 7:4, 9, 17.

Wa miselo sincipale, moone ekapitulu 5 ya liivuru Piipiliya Onahusiha Eheeni Chiryene? olaleeryiwe ti Anamoona a Yehova

Onnaphwanyeya tho mu www.jw.org/ngl