“Kinamwaakhela Yoolaleeryiwa Anyu, Wakhala wi Muhaakhela Yaaka”

Ela yooloca ya anamakhala akina. Vawoona wi hiyaano hinnatoroka soolaleeryiwa sahu sa yoohuserya ya Piipiliya ni soolaleeryiwa sa malapelo sinahusiha sawootha, naahaala waakhula hai? (Arom. 1:25) Hiyaano poti oloca: “Kinnathamalela yoovaha anyu. Ela enaloca heeni wa omala wa makacamiho aachu? [Muweherye naakhulo. Wakhala wi ohoovekani wi mwaalakhanye yoolaleeryiwa awe wi mphwanye naakhulo, nyuwo poti omuupuxerya wi nyuwano hamunavaha yoolaleeryiwa muhimulenle muchu yeeyo enalocaaya. Mwamala mwaalakhanye nari muromole Mateyu 6:9, 10.] Yesu ooloca wi Omwene wa Muluku waahaala weeriha wi yookhwela ya Muluku yeeriwe veelaponi yavathi. Mwawiihiiha, miyaano kinaalakhanya pahiru yoolaleeryiwa ya malapelo enavuwiha Omwene wa Muluku. Poti owooniherya Mpiipiliyani ichu ikina Omwene wa Muluku onahaalaaya weera?”