Sawooniherya sa Ntakiheryo

Ti woowi nnahaalaahu ophwanyawo maakhulo a makoho matokotoko a okumi?

Mphareenle etrataato mmatani namakhala aweryaka woona muru wa etrataato muloce: “Mooni. Hiyaano nnuuka mmukipici wa elapo yoothene wa okawa muchaka yoola wookhweleya. Ela ti yawinyu.”

Wakhala wi nyuwaano munnahiya etrataato empa ohikhaliwevo, muhiye mu nipuro nawooneya nave musepe okhunyanya etrataato.

Wakhala wi namakhala onnooniherya nchuno naari onnachuna oloca, mumveke wi aloce moonelo awe vooloca sa makoho ari ohoolo wa etrataato, nave mmoonihe tiheeni Salmo 119:44, 160 onaloceiye. Mmuleele wi etrataato yookhalano sooleeliherya sa site enahaala omukhaviherya ophwanya maakhulo oohakalaliha a Mpiipiliyani. Wakhala wi ookhalano elukuluku, akhweya nyuwaano munanwerya omooniha eviitiyu .“Ntakhara heeni Omuhuserya Piipiliya?” Muhaakumve okhumavo, mmoonihe makoho mararu oculi wa etrataato nave mmukohe nikoho taani nimusivenlexa. Vaavaa munakookelaanyuwo, muthokororye maakhulo moorweela wa ovareryaka vathi va YOOHUSIHA YA PIIPILIYA >MAKOHO A MPIIPILIYA AAKHULIWE.

Mwakhala va nipuro ohirivovo interneti, anna ananwerya ovaha etrataato vamoha ni eproxura Michaka Yaphaama Yoorweela wa Muluku muloce muriki: “Kaanachuna owoonihaani ohakalala onarweela wa ohuserya Masu a Muluku.” Mmuhiye namakhala wi athanle mwaha ori oculi wa epaaxina nave muloce: Nyuwaano mookhalano elukuluku vakhaani wi nthokororye nikoho nenla noochuneya? [mooniherye mpharihelaka nikoho nenlo namakhala othanlileiye.] Mpharihelaka makoho anacharela, mpake marehereryo wi mukookele othokororya.Muhiye Etrataato jw.org va echoko eri yoothene.

Wakhala wi nyuwaano munaavaha nwopelo wa muthukumano wa muceche, nimvahe namakhala nwopelo elukuluku emoha-moha munamvahaanyu etrataato nave muloce, “moophitaanyerya kinnoovahaani nwopelo wi murwe va yaweereya etokotoko.”

Sentinela 1 a Akostu

Omakuchuwelo wa esumana, wakhala waweemereryeya, muloce ela wi mumvahe Mulipeleli: “Hiyaano nnachuna woovahaani tho erevista ahu evyaani. Mulipeleli yoola onnaakhula nikoho, Muluku Onnawuupuwelaani Nyuwo?”

Despertai! 1 a Akostu

Omakuchuwelo wa esumana, wakhala waweemereryeya, muloce ela wi mumvahe Despertai!: “Hiyaano nnachuna woovahaani tho erevista ahu evyaani. Despertai! yoola onnaakhula nikoho, Ti mwawiihai achu anahaalaaya opaka onthamwene?”