Othariha Nroromelo Nahu Vooloca sa 1914

Soorempwa sinnanilipiha okhala “awireheryela khuluwi . . . wiruha wa mutchu” yoowo onanikoha sa nroromelo nahu, “nyenya nto ni witchachala ni wova.” (1 Pet. 3:15) Chiryene, hiyaano nnahaala okumana ni yaweeha ya othariha iparipari sa wiiseela sa Piipiliya, ntoko nsuwenlaahu wi Omwene opacenrye olamulela mu 1914. Wi enikhaviherye, annareheryiwa makupa meeli a miyaha sirino muru “Ovaanela ni mwaacamani—Omwene wa Muluku Opacenrye Olamulela Liini?” Mwaha yoola onnaphwanyeya mu Mulipeleli yoowo nnamvahaahu mu orummwa wahu variyari va Otupro ni Novempro. Vaavaa munathokororyaanyu miyaha seiha, mwaalikhele makoho anacharela enooniherya yeeyo yeeriwe ni Kamero, mulaleeryi yoowo onalociwa va mwaha.

Ti mwawiihai owo . . . 

• opharihenleiye masu wi avahe ncicimiho?​—Saw. 17:22.

• oonihenryeiye wiiyeviha vaavaa aathariheiye soororomela sawe? —Saw. 14:15.

Ntakhara heeni yaari yaphaama . . . 

• wuuluulela ahaakumve ovolowela miyaha mikina?

• weemela elukuluku ni elukuluku wi amukohe namakhala yeeyo omanleiye othariha?

• ohiloca miyaha sincipale mu ovaanela omoha?​—Yoh. 16:12.

Ninnamuthamalela vancipale Yehova, “Muhusiha Mutokotoko,” onihusiha mukhalelo wa othariha iparipari sa wiiseela wa yaale arino etala wa seiho!​—Yes. 30:20, NM.