Muuke ni Akina Ichu “Saphama” Moorweela wa Owaakhela Aleco (Mat. 12:35a)

Moohikhwa minikwa nnachuna wuuka ichu “saphama” ni akina mu ochara nlakiheryo nnii “vakulelani alecho.” (Arom. 12:13) Atokweene annahoolela mu opaka marehereryo a nipuro na okona, ni olivela mukwaha wa namaloca ooxekurya. Akhweya ninnakhala a woovelela owaakhela aleco nthowa na okhala oohaawa, naari wuukhuwa nthowa na omwaakhela muleco vaate vahu. Ochariha ni murima woothene miruku sa Yesu wa Marta, onanwerya onikhaviherya ovootha moonelo yoowo. Yesu aaceenyerya wi “etxhu yaphamasa” ya owaakhela aleco onthamwene ni nlipiho, ohiya orehererya yoolya ya vameekhaaya naari empa yooreera. (Luka 10:39-42, BNM) Moorweela wa opharihela muteko miruku iha, nnahaala wuuka ichu “saphama” ni annihu mwawiiwanana ni Masu a Muluku.​—3 Yohane 5-8.