“Wunnuwiha Mavyakelo ahu mu Orummwa—Ovaha Onamoona ni Telefone”
Ntakhara Heeni ti Yoochuneya: Onamoona ni telefone onanwerya okhala woovila. Nnii neere hai wi nikacamiho nlo nihikukuce mvai ahu mmiteko saphaama? Nikuhe mmuupuwelo wi ovaha onamoona ni telefone akhweya mukhalelo mmoha pahiru wa waaphwanya achu ni michaka saphaama. (Arom. 10:14) Saweereya sohooniherya wi onamoona wa mphurelo onanwerya ovahiwa mmukhalelo yoola. (Mmoone Anúario a 2011, ipaax. 65-66, ni a 2000, epaax. 54, epar. 3.) Muthokororye sooleeliherya sinacharela.
Mukhalelo wa Weerano Yeela:
• Murehererye mapaceryiho awaakuveya nave murepele wi mwaalakhanyeke variyari va onamoona ni telefone. Eyo enahaala waaceererya ororomela wanyu. Omapacereryo, muloce yoolakelela ya oxekurya wanyu. Mpharihele nsina na namakhala wakhala wi moosuwela. Mukuchule mumvahaka (naari muhiye mu empa ya namakhala) etrataato naari erevista yeeyo enahaala omvaha sooleeliherya sincipale.
• Mooniherye moonelo woophwanelela. Mutheyeke vakhaani nave mvaheke ineneeryo ntoko wi munaloca ni namakhala vakhiviru khiviru.
• Mwiichuuweleke nave mukhale oovaanela. Muloce mookwakwaleya nave ni ovuwa wa nsu noophwanelela. Musepe wiichuuwela woohikhweleya, nyenya muhaakuviheke oloca.
• Mpharihele wuupuwelela phaama. Mu ipa itokotoko, akhweya enahaala okhalawo atelefone. Akhweya munanwerya olakelela omucapunya ikwaha raru naari vakhaani nave murepele empa eyo ohikhaliwevo. Ipa ikina innaheliwa alarme, mwa yeeyo ti yaphaama wiikasopa.
Mweererye Ela Variyari va Mweeri:
• Variyari va malapelo a echoko, ekhalevo makupa a wiivyakiha alipa oopaka makupa ewehanaka mukina ni mukhwaawe.