Mwa Mvai Muceenyeryane Mukina ni Mukhwaawe wa Miteko Saphaama

Ahepri 10:24 onnanceenyerya wi “nanyiheryane mukina ni mukhwawe wi nákuvihaneke o masivelelo ni o mitekoni yaphama.” Hiyaano nnawerya waaceenyerya annihu moorweela wa yootakiherya ahu ni wooneiha nroromelo nahu. Muloce saweereya sanyu saphaama ni akina mmulokoni. Mwahiye wi awo yoone ohakalala munaphwanyaanyu mu omurumeela Yehova. Mu elukuluku emohamoha, musepe wiilikanyiha ni akina. (Akal. 6:4) Mutitelele opharihele ikuru sanyu wi mwaaceenyerye akina ‘mmasivelelo ni o mitekoni yaphama,’ ohiya wiikhupanyerya ni miteko yaphaama. (Mmoone livuru Escola do Ministério, epaax. 158, epar. 4.) Wakhala wi ninnooniherya osivela, ni saweera​—ntoko waakhaviherya akina omwiilini naari waalaleerya, awo anahaala ochariha.​—2 Akor. 1:24.