MUHAKHU WA MASU A MULUKU | YOBI 16-20
Mwaahakararye ni Waalipiha Akina ni Masu Oosivela
Masu a mulipa oohakararya anaphwanela waalipihaka akina
• Yuupu aari oothanana ni awuukhuwa, vanthowa na yeeyo, aanachuna ohakararyiwa.
• Asinthamwene awe araru yaaphwanela omuhakararya. Nyenya moohiyana, awo yaahaaceererya wuukhuwa wawe moorweela wa omunyemula.
Masu oohiphwanelela a Piltate yaamweeriha Yuupu wuupuwela wi ari muchu awuulumeleya.
• Yuupu aamveka Muluku wi iichuuwe—ophiherya oveka okhwa.
• Okhalano ewehereryo ya ovinya mookhwani yaamukhaviherya Yuupu otitelela okhala oororomeleya.
[Ekaaxa va epaaxina 3]
ONYEMULIWA WA YUUPU
Elifase:
• Woonaru aari a muceche wa Temani elapo ya Etomi. Elapo ya Temani ennalociwa mu Yeremiya 49:7 ntoko elapo ya achu a miruku.
• Ntoko mutokweene ni namiruku oosuwela, Elifase taapacenrye oloca. Owo aloca ikwaha raru nave masu awe yaari oorakama waapwaha asinthamwene awe apiili.
Masu awe oonyemula:
• Aanyemula ororomeleya wa Yuupu nave aaloca wi Muluku hanaaroromela akapuro awe. (Yobi 4, 5)
• Aamweera Yuupu okhala mulipa oocheka ni oonanara murima, nave aaloca wi Yuupu hanamucicimiha Muluku. (Yobi 15)
• Aaloca wi Yuupu aari muchu oohikhala ekhaikhai nave aahooniherya wi achu haano esisapo vamiithoni va Muluku. (Yobi 22)
Piltate:
• Oorweela mu nihimo na Suwa. Akhweya aakhala elukuluku yincipale waacamela Muhice Efrata.
• Owo aari anaawiili oloca. Aaloca ikwaha raru ni masu ookhuveya, nyenya oovevula opwaha ale a Elifase.
Masu awe oovevula:
• Aaloca wi anamwane a Yuupu yaari oocheka nave wi yaaphwanela olakiwa, nave tho aaloca wi Yuupu aari muchu ohinamuroromela Muluku. (Yobi 8)
• Aaloca wi owo ari mulipa oonanara murima. (Yobi 18)
• Aaloca wi ororomeleya wa achu hiwaano mphurelo. (Yobi 25)
Sofari:
• Aari a elapo ya Naama, akhweya ohico wa Arapiya.
• Owo aari aneeraru oloca nyenya aakumiha masu oophoreiha. Owo aalonce pahiru itila piili.
Masu awe oophoreiha:
• Aamphuca Yuupu wi masu awe yaari atheru nave wi aaphwanela ohiya saweera sawe soonanara. (Yobi 11)
• Aaloca moosiphela ooniheryaka wi Yuupu aari muchu awuuma murima nave wi aanasiveliwa weera soocheka. (Yobi 20)