MUHAKHU WA MASU A MULUKU | SALMO 45-51, NN

Yehova Harwa Aanyanyala Achu a Murima Woophweya

Salmo 51 aarempwe ni Tavite, mulipa a miririmu Natani amanle omuupuxerya yoocheka etokotoko aapankeiye ni Pate-sepa. Yawuupuxerya-ya-murima ya Tavite yaapacerya omuhooxa, mwawiiyeviha aheemererya yoocheka awe.​—2 Sam 12:1-14.

51:3, 4, 8-12, 17

Naamwi Tavite aachenke waari wooweryeya openuwa omunepani

• Ahaakumve ocharuwa ni olokoha yoocheka awe, Yawuupuxerya-ya-murima awe yaamweeriha wiisoona okhala oohiphwanelela.

• Owo aahooxeya nthowa na okhala oothanyeya wa Muluku nave iisoona okhala ntoko muchu onyaanyiwe makhuva.

• Owo aaveka okhurumuweliwa, openuwa woomunepani, ni ohakalala yoowo aareiyeno woopaceryani.

• Mwawiiyeviha aamveka Yehova wi amukhaviherye okhala a wiiwelela.

• Aanaroromela wi Yehova ahaala omukhurumuwela.