MUHAKHU WA MASU A MULUKU | MASIPOSIPO 27-31

Piipiliya Onnamuloca Muthiyana Oophwanelela

Masiposipo ecima 31 ookhalano michaka sa amannya a Mwene Lemuweli. Masu aya a miruku yaamukhaviherya Lemuweli omuthanla muthiyana oophwanelela.

Muthiyana oophwanelela toororomeleya

31:10-12

• Owo onnaloca moonelo awe wamiruku vooloca sa miyaha sa echoko nave onnatitelela okhala a wiiwelela.

• Aiyawe annamuroromela mu soolakelela saya, ohiya ochuna wi soothene onaloceiye sichariweke.

Muthiyana oophwanelela ti yoole onaphara miteko

31:13-27

• Owo onnasuwela osona ni sikano wi achu oothene a veechokoni ekhaleke oophwaneliwa, nave tho onnasuwela ocelekha.

• Owo onniilipixerya waathokororya oothene a veechokoni vawe othana ni ohiyu.

Muthiyana oophwanelela ti yoole ori a winnuwa omunepani

31:30

• Onnamucicimiha Muluku ni waavya onthamwene ni yoowo

[Ekaaxa va epaaxina 3]

MWAANASUWELA?

Mwiri wooxeerya waari woochuneya mu elukuluku ya khalai. Owo wakhala wooreera, woorameya, waari woovila ophwanya. Saaphwanyeya o Metiteraniyu ni eniya yooxeerya, mwiri ola waari woochuneyaxa.

Piipiliya onnooniherya wi esisapo aya miri seiha enamulikana ni maluku ooreera ntoko ewooro, eparata ni isafira.

Masu a Muluku annaloca wi esisapo ya Muthiyana oophwanelela ‘ennaphwaha maluku òrèrasa.’​—Masi 31:10.