Ntakhara Heeni Munnacicimiha Malapelo Aweela?

Ayuta yaari wookapuroni, yaalipihiwa ni yawoona ya Esekiyeli vooloca sa empa ya Yehova ntakhara wi, yaahaavaha ewehereryo wi malapelo aweela yahaala okookeliwa. Mmahiku yaala ookuchula, malapelo aweela ananvira ‘erakamaka opwaha miyako sothene’ nave hiyaano ninnapaka makupa a maloko oothene yaawo anawela vasulu va mwaako yoowo. (Isa 2:2) Apwanne nyuwaano wiiliwiili munnuupuwelela ekari anyu ya omusuwela Yehova ni omurumeela yoowo?

MAREELIHO A MALAPELO AWEELA:

• 

  Yoolya yoomunepani yawaaca yeeyo enavaha maakhulo a makoho oochuneya, sooleeliherya soophara muteko, ni ewehereryo yeeparipari.​—Isa 48:17, 18; 65:13; Aro 15:4.

• Osivela wa onna ahu wa elapo yoothene.​—Sal 133:1; Yoh 13:35.

• Ekari ya okhala akhaviheryi a Muluku mmuteko woohakalaliha.​—Saw 20:35; 1Kor 3:9.

• “Muretxele wa Muluku” yoowo onanikhaviherya variyari va makacamiho.​—Fil 4:6, 7.

• Yooleela-ya-murima yaphaama.​—2Tim 1:3.

• Okhala a ‘watàna’ ni Yehova.​—Sal 25:14.

Mmikhalelo taani kineeraka kooniherye wi kinnacicimiha malapelo aweela?