“Watxitximihe Atithi-à ni Amai-à”

Vaavaa Yesu aareiye veelaponi yavathi, owo aacicimiherya nlamulo nla: “Watxitximihe atithi-à ni amai-à.” (Muk 20:12; Mat 15:4) Moohikhwa minikwa, Yesu aanaloca ni murima woothene nthowa nawi owo “ànawiwelela” asitiithi awe ovinyerya woonamwane. (Luka 2:51) Vaavaa innunweiye, owo aapaka marehereryo wi amannya ekhapeleliwe amanle okhwa.​—Yoh 19:26, 27.

Mmahiku ahu yaala tho, amiravo Eekristu yaawo anawiiwelela asitiiithi aya ni olocano moophwanelela annooniherya wi annaacicimiha. Chiryene, waacicimiha asitiithi honakota. Naamwi asitiithi ahu yuuluvanle, hiyaano nnaphwanela otitelela waacicimiha moorweela wa ochariha miruku saya. (Masi 23:22) Hiyaano tho ninnaacicimiha asitiithi ahu awuuluvala, moorweela wa waahakararya ni waakhaviherya ni ichu soomwiilini wakhala woochuneya. (1Tim 5:8) Moohipwacha waakhanle wi mwa mmiravo naari mohuuluvala, otitelela olocihana phaama ni asitiithi ahu mukhalelo waphaama wa waacicimiha.

MOONE EXILEMA ERINO MURU KINI KIWERYE HAI OLOCA NI ASITIITHI AKA? NAVE VOOCHARELA MWAAKHULE MAKOHO ALA:

• Ntakhara heeni akhweya onamukhala woovila oloca ni asitiithi anyu?

• Muni mooniherye hai ncicimiho vaavaa munalocaanyu ni asitiithi anyu?

  

• Ntakhara heeni ti yaphaama wiilipixerya oloca ni asitiithi anyu? (Masi 15:22)