Wunnuwiha Mavyakelo Ahu Mmuteko Wa Olaleerya—Mumpharihele JW.ORG

NTAKHARA HEENI TI YOOCHUNEYA: Ikaruma sahu soothene sa ohuseryano ennaphwanyeyavo esaiti jw.org. Chiryene, yoolakelela yoopacerya ya akartau ni etrataatu Ti Woowi Nnahaalaahu Ophwanyawo Maakhulo a Makoho Matokotoko a Okumi? ori waathoonyerya achu mu esaiti ahu. Nyuwaano munanwerya ovaha yoolaleeryiwa ya ohuseryano moorweela wa ompharihela jw.org, e-mail naari omvonyerya ephiro ya ophwanya yoolaleeryiwa eyo yeeyo eniichaniwa link. Ela enamukhala yamphurelo xaxaxa wakhala wi nnalaleerya wa muchu yoowo onaloca elocelo ekina. Vakina vaya, achu annapaka makoho yaawo maakhulo ene ahinaphwanyeya mu ikaruma sahu sa ohuseryano. Wakhala wi noopharihela esaiti ahu, nnanwerya okhumelela phaama mmuteko ahu wa olaleerya.

MUKHALELO WA WEERANO YEELA

• 

  Makupa ani “ENSINOS BÍBLICOS.” Mwaanyiherye wi munalaleerya wa tiithi yoowo onachuna osuwela sincipale vooloca sa waaphuwa anamwane. Muye va ENSINOS BÍBLICOS > CASAMENTO E FAMÍLIA.

• Makupa ani “SOOLALEERYIWA.” Mwaanyiherye wi munavaha onamoona woohilakelela oxikola, nave nyuwaano munachuna owooniha anaxikola oothene eproxura Maakhulo a Makoho 10 a Amiravo. Muye va SOOLALEERYIWA > ALIIVURU & IPROXURA.

• Makupa ani “QUEM SOMOS.” Mwaanyiherye wi munalaleerya wa muchu munalapaanyuno vamoha yoowo onachuna osuwela vooloca sa soororomela sahu. Muye va QUEM SOMOS > PERGUNTAS FREQUENTES.

MOONE EXILEMA MUMPHARIHELE JW.ORG, NAVE VOOCHARELA MUTHOKORORYE MAKUPA A ESAITI AHU YAAWO MWAAHAALAANYU OVOLOWAMO WI MMUKHAVIHERYE:

• muchu ohinamweemererya Muluku.

• muchu yoowo ohooxen’ye ni epahu.

• munna naari murokora oocecheya.

• muchu yoowo onachuna osuwela mukhalelo muteko ahu onaliveliwaaya.

• muchu a elapo ekina yoowo onachuna woonela mithukumano sahu mu elapo oyariweiyewo.