“Paawulu . . . Aamuthamala Muluku, Alipihiwa”

Vaavaa anna o Roma yiiwalaaya wi Paulo aanarwa, awo yaahiivaha weeca mastatiya 64 wi yakumane ni Paulo. Osivela yoola yoonihenryaaya waamvolowenle hai Paulo? “Paawulu aawoonneiye, aamuthamala Muluku, alipihiwa.” (Saw 28:15) Naamwi yaasuweliwe wi Paulo aanalipiha miloko seiho owo aaxekuryeiye, mu elukuluku yeeyo aareiye oophariwa, owo aari muchu aakhela nlipiho.—2Kor 13:10.

Olelo, ooweherya a ekulucu anneecelela muloko ni muloko ni yoolakelela ya waalipiha anna ni arokora. Hiiha ntoko eneereryaaya ni akapuro oothene a Muluku, ilukuluku ikina awo annakhala oothanana, wuukhuwa, ni oceecheya. Ekwaha yoocharela vaavaa ooweherya a ekulucu onahaaleiye weecelela muloko anyu, tiheeni munaphwanelaanyu weera wi mwaakhaviherye okhala oolipa, wi okhalevo ‘olipihana’?—Aro 1:11, 12.

• 

  Muhicompeke muthukumano wa muteko woolaleerya. Oweherya a ekulucu onnatepa olipiheya vaavaa alaleeryi anahiyaaya miteko saya wi ephure phaama esumana yavameekhaaya ya muteko. (1Tes 1:2, 3; 2:20) Moone mwaahaalaka owerya okhala piyoneero variyari va mweeri wa oxekuryiwa. Apwanne munanwerya olapa ni yoowo vamoha ni mwaariye mmuteko wa olaleerya, naari oya vamoha mu yoohuserya anyu ya Piipiliya? Awo annasiveliwa olapa ni alaleeryi oohiyanahiyana, ophitaanyerya yaale ari avyaani naari ahirino mavyakelo awaaca mmuteko wa olaleerya.

• 

  Mooniherye owaakhela aleco. Apwanne mwanwerya ovahererya nipuro nookonavo naari yoolya? Awo anahaala osuwela wi nyuwaano munnaasivela. Tahi wi awo anachuna ichu saphaamaru.—Luka 10:38-42.

• 

  Nwiriyane ni opharihela ohoolela ni miruku sawe. Oweherya a ekulucu moosivela annanikhaviherya woona echu nnaphwanelaahu orehererya. Ikwaha ikina, owo onanwerya onivaha ekano mmukhalelo woolipa. (1Kor 5:1-5) Ennamuhakalaliha vancipale wakhala wi ninniiwelela ni ochariha ohoolela wawe.—Ahe 13:17.

• 

  Mooniherye othamalela. Mmuleele ooweherya a ekulucu vamoha ni mwaariye mukhalelo wiilipixerya waya wookhavihenryaayaani. Nyuwaano munanwerya weerano yeela moorweela wa oloca naari orepa ekaarata.—Kol 3:15.