Mmaliheke Elukuluku ni Yaale Anamusivela Yehova

Ntakhara heeni nnaphwanelaahu omalihaka elukuluku ni yaale anamusivela Yehova? Woona wi achu yaawo nnamalihaahuno elukuluku yincipale ananwerya onivolowela mwaphaama naari moonanara. (Masi 13:20) Ntoko yootakiherya, Mwene Yohasi “aanerano yawookololowa vamiithoni va Apwiya” vaavaa aakhaleiye ni Yehoyata, Mulipa Ephepa Mutokweene. (2Math 24:2) Vaavaa Yehoyata aakhwileiye, Yohasi aahiya omurumeela Yehova nthowa na onthamwene woonanara.—2Math 24:17-19.

Mu nsana noopacerya, murummwa Paulo aalikanyiha muloko Weekristu ni ‘echoko ya muchu a muhakhu’ nave mmoha ti mmoha mmulokoni ntoko ‘ikahi,’ naari ikaruma sa vaate. Hiyaano ninnatitelela okhala ‘ikahi soocicimiheya’ vaavaa nnasepaahu omaliha elukuluku yincipale ni muchu ori oothene, mmusi naari munna yoowo oneera yeeyo ehinamuhakalaliha Yehova. (2Tim 2:20, 21) Mwawiihiiha, ntitelele waapaka asinthamwene yaawo anamusivela Yehova ni yaawo anahaala onceenyerya omurumeela yoowo.

MOONE EXILEMA MUSEPE ONTHAMWENE WOONANARA, NAVE MWAAKHULE MAKOHO ANACHARELA:

• Mmikhalelo taani onthamwene woonanara oneeraaya ovolowele okumi ahu?

• Mu exilema yeela, tiheeni yaakhavihenrye anna eeli ni murokora mmoha okwatelela onthamwene woonanara?

• Malakiheryo taani a Piipiliya eni yookhaviheryeeni waathanla phaama asinthamwene anyu?