MUHAKHU WA MASU A MULUKU | TITO 1–FILÉMONE
“Waathanlela Atokweene”
Paulo aamveka Tito “waathanlela atokweene, muceche ni muceche.” Yoohoolela yeela ya Mpiipiliyani ennacharihiwa tho mmahiku ahu yaala vaavaa ooweherya a ekulucu onaathanleiye atokweene a mmulokoni.
NIKHUURU NOOLAMULELA
Echarihaka yeeyo yeeriwa mu nsana noopacerya, Nikhuuru Noolamulela nohaavaha owerya ooweherya a ekulucu wi yaathanleke atokweene a mmulokoni ni arummwa oorumeela.
OOWEHERYA A EKULUCU
Ooweherya a ekulucu onaphwanela waalikhela phaama vamoha ni ovekela vooloca sa othanleliwa wa anna yoowo weeriweno ni atokweene nave voocharela aweemererye yaawo anaakhwaniha soovekiwa sa mu Soorempwa.
ATOKWEENE ATHANLIWE
Atokweene emanle othanliwa, awo anaphwanela otitelela waaceererya mikhalelo soomunepani.