Ophiyerya Mweeryo Taani Munasivelaanyu Masu a Muluku?

Piipiliya ookhalano muupuwelo ni masu a Yehova Muluku, woona wi owo mwaneene a liivuru yoola aweela. (2Ped 1:20, 21) Nthowa na ocicimiherya ovuwihiwa wa otokweene wa Yehova moorweela wa Omwene awe, Piipiliya onnaavaha achu oothene ewehereryo wi moohilekela enahaala ophiya elukuluku ya murecele. Piipiliya tho onnooniherya osivela otokweene wa Tiithi ahu, Yehova.—Sal 86:15.

Mmoha ti mmoha a hiyo onnavaha esisapo etokweene Masu a Muluku ni mathowa oohiyanahiyana. Nyenya apwanne ninnooniherya othamalela wahu wa yamahala yeela yavameekhaaya moorweela wa omwaalakhanya nihiku nnihiku ni ompharihela mu okumi ahu? Neerihe wi moonelo ahu okhale woolikana ni wa namarepa a Salumu yoowo aariye: “Kinnakhwela chiri mahusiheryo anyu!”—Sal 119:97.

MOONE EXILEMA AWO YAANAMUCICIMIHA PIIPILIYA—MAKUPA AKWATIWE (WILLIAM TYNDALE), NAVE MWAAKHULE MAKOHO ANACHARELA:

• 

  Ntakhara heeni William Tyndale aataphulela makupa a Piipiliya?

• Ntakhara heeni wiilipixerya wawe omutaphulela Piipiliya waaryaaya wavameekhaaya?

• Ti mwawiihai Apiipiliya yaataphuleliwe ni Tyndale yaaphiyalaaya o Inklatera?

• Ti mwawiihai mmoha ti mmoha a hiyo oneereiye ooniherye wi onnacicimiha Masu a Muluku?