MWIIVYAKIHE MMUTEKO WOOLALEERYA | MWAACEERERYE OHAKALALA WANYU MMUTEKO WOOLALEERYA
Otannya Murima
Omwiiwelela Muluku onarweela mmurimani. (Masi 3:1) Mwawiihiiha, vaavaa nnahusihaahu, nnaphwanela weererya otannya murima wa oowiriyana ahu. Mwawiihai?
Hamunaphwanela pahiru omuhusiha oohuserya anyu iparipari sa Mpiipiliyani, nyenya omukhaviherya wiiwexexa mukhalelo mwaha owo onavolowelaaya okumi awe ni onthamwene awe ni Yehova. Mmukhaviherye woona mukhalelo malakiheryo a Mpiipiliyani anooniheryaaya osivela wa Muluku, oreera murima ni wookololowa. Moopwacha ni moosivela mumpakele makoho yaawo anahaala omukhaviherya woona ti mwawiihai owo onooneiye vooloca sa yeeyo onahusereiye. Mmukhaviherye wuupuwelela mukhalelo onahaaleiye ophuravo wakhala wi ootoroka makhalelo ni sookhovelela soonanara. Vaavaa munamoonaanyu oohuserya anyu amusivelaka Yehova ni murima woothene, ohakalala wanyu onahaala waaceereryeya.
MOONE EXILEMA MPHWANYE OHAKALALA MU WAAPAKA OOHUSERYA—MUREHERERYE MAVYAKELO ANYU—OTANNYA MURIMA, NAVE VOOCHARELA MWAAKHULE MAKOHO ANACHARELA:
Ntakhara heeni Nita aamukoha Flora wi: “Onnuupuwela yeeyo naaloncaahu Noomorela muteko?”
Ti mwawiihai Nita aamukhavihenryeiye Flora wiiwananiha malakiheryo a Mpiipiliyani ni osivela wa Yehova wa yene?
Wakhala wi ninnatannya murima wa oohuserya ahu, owo onahaala oceenyeryeya otitelela omwaacamela Yehova
Ti mwawiihai Nita aamukhavihenryeiye Flora wuupuwelela mukhalelo aahaaleiye wooniherya osivela wawe ntakhara Muluku?