Apwanne Munnavaha Mikucho Sanyu?

Tavite aalamuleliwa wi amuteke altare vaate va Arawuna (2Sam 24:18)

Arawuna mwa mahala aahivaha nipuro ni axinama awe wi epakiwe mukucho (2Sam 24:21-23)

Tavite haaphwanela ovaha mikucho seiho ahaahaawenleiye (2Sam 24:24, 25; it-1 epaax. 177)

Iruku: Mikhalelo sa ovaha mikucho. 1. Munna ni mwaariye ekhaviheryaka mmuteko wa otekiwa Ipa sa Omwene. 2. Murokora awunnuwelavo apakaka yooveleela mu ekaaxa. 3. Mutheli ari ni ekarinya ya soolaleeryiwa. 4. Munna ni mwaariye ekhaviherya mmuteko wa okhaviherya.

Yehova onnahakalala vaavaa moochuna nnavahaahu mikucho sa elukuluku, ikuru, ni sookhalano sahu wi nimurumeele yoowo. (w12-T 15/1 epaax. 18 epara. 8) Soolakelela taani munaphwanelaanyu otikitherya wi mwaaceererye “mukucho woomucicimiha” yoowo?—Ahe 13:15.