MUHAKHU WA MASU A MULUKU

Mmuthanle Oothelana Anyu Mwa Miruku

Solomoni moolosowa aahaathela athiyana yaawo yaalapela amuluku atheru (1Mam 11:1, 2; w18.07 epaax. 16 epara. 7)

Asaariye Solomoni vakhaani vakhaani yaahihuweliha murima awe amuhiya Yehova (1Mam 11:3-6; w19.01 ipaax. 15-16 epara. 6)

Yehova aanyeenyeya ni Solomoni (1Mam 11:9, 10; w18.07 epaax. 17 epara. 9)

Iruku: Murokora apakaka yoohuserya ya Piipiliya ya muchu mukhateiye nave uupuwelelaka sa munna ori muciye. 1. Munna avahaka maakhulo mmithukumano. 2. Owo akhaviheryaka mmuteko woolaleerya wa vanlakani. 3. Owo akhaviheryaka weeliha Empa ya Omwene.

Masu a Muluku annaaceenyerya Akristu ari aciye othela “mwa Apwiyaru.” (1Kor 7:39) Nyenya, ela henataphulela wi muchu opatisiwe toophwanelela wi akhale oothelana anyu. Apwanne muchu owo onahaala wookhaviheryaani otitelela omurumeela Yehova mu okumi anyu woothene? Apwanne muchu owo onnooniherya wi onahaala omusivelaka Yehova ilukuluku soothene? Muhaakumve weemererya othelana ni muchu owo, mmalihe elukuluku mweereryaka omusuwela phaama yoowo munachunaanyu othelanano.